ނިމިގެން ދިޔަ ސަރުކާރުގެ ހޯމް މިނިސްޓަރ އައްޝައިޚް އިމްރާން ޢަބްދުالله 20 ވަނަ ރައްޔިތުންގެ މަޖިލީހުގައި ވާދަކުރަން ނިންމަވައިފި އެވެ.
ޝެއިޙް އިމްރާން މަޖިލީހުގައި ވާދަކުރައްވަން ނިންމަވާފައިވަނީ މަކުނުދޫ ދާއިރާއަށެވެ.
އަދާލަތު ޕާޓީން ވަނީ 19 ވަނަ މަޖިލިހުގެ އިންތިހާބުގައި 9 ދާއިރާއަކަށް ވާދަކޮށްފައެވެ. ނަމަވެސް 19 ވަނަ މަޖިލީހުގެ އެއްވެސް ގޮނޑިއަކަށް އަދާލަތު ޕާޓީގެ މެންބަރަކު އިންތިހާބެއްނުވިއެވެ.
މި ތަޖުރިބާއަށް ބަލައި ކުރީ ސަރުކާރާއެކު ކޯލިޝަން ހެދި އަދާލާތު ޕާޓީން މިފަހަރުގެ މަޖިލީހުގެ އިންތިހާބަށް ވާދަކުރަނީ ޖުމްލަ 4 ދާއިރާ އަކަށެވެ. އެއީ މަކުނުދޫ ދާއިރާއަށް އައްޝައިޚް އިމްރާން ޢަބްދުالله، ވައިކަރަދޫ ދާއިރާއަށް އަލްފާޟިލް ޙުސައިން ޘަޤީފް، ފުނަދޫ ދާއިރާއަށް އަލްފާޟިލް އިސްމާޢީލް ޙަމީދު އަދި އިނގުރައިދޫ ދާއިރާއަށް އަލްފާޟިލް އިސްމާޢީލް ޢަލީ އެވެ.
ރައްޔިތުންގެ މަޖިލީހުގެ އިންތިހާބު ބޭއްވުމަށް ނިންމާފައިވަނީ މިއަހަރުގެ މާރޗު 17 ވަނަ ދުވަހުއެވެ. މިފަހަރު މަޖިލީހަށް 93 މެންބަރުން އިންތިހާބު ކުރާނެއެވެ.