މި ރޯދަމަހު ސްޓެލްކޯއިން ހިދުމަތްދޭ ގަޑިތައް ކަނޑައަޅާ އާންމުކޮށްފިއެވެ.
ސްޓެލްކޯއިން ބުނިގޮތުގައި މި ރޯދަމަހުގެވެސް ފުރަތަމަ ވިހި ދުވަހު އެ ކުންފުނީގެ ކަސްޓަމަރ ސާވިސް، ބިލް ދެއްކުން، އިންފޮމޭޝަން ކައުންޓަރ އަދި އަތޮޅު އިންޖީނުގޭތަކުން ހިދުމަތް ދެމުން ގެންދާނީ ހެނދުނު 9:00 އިން މެންދުރު 13:00 އަށެވެ. އަދި ފަހު ދިހައެއްގައި މި ހިދުމަތްދޭނީ ހެނދުނު 11:00 އިން މެންދުރު 13:30އަށް ކަމަށް އެ ކުންފުނިން ހާމަކޮށްފައިވެއެވެ.
ފަހު ދިހައެއްގައި އިންފޮމޭޝަން ކައުންޓަރުން ހިދުމަތް ކައުންޓަރުން 13:00 އާ ހަމަޔަށް ހިދުމަތްދޭއިރު، އަތޮޅު އިންޖީނުގޭތަކުން ފަހު ދިހައެއްގައި ހިދުމަތް ދޭނީ ހެނދުނު 11:00 އިން 12:00 އަށްކަމަށްވެސް ބުނެފައި ވެއެވެ.
މީގެއިތުރުން ރޯދަމަހުގެ ފުރަތަމަ ވިހި ދުވަހު ސްޓެލްކޯގެ ސޭލްސް ސެންޓަރުން 9:00 އިން 16:00 އަށް އަދި ފަހު ދިހައެއްގައި 13:00 އިން 16:00އަށް ހިދުމަތްދެމުން ގެންދާނެކަމަށް އެ ކުންފުނިން ވަނީ ބުނެފައެވެ.