ހުޅުމާލެއިން 13 އަހަރުގެ އަންހެން ކުއްޖަކު ގެއްލިގެން ހޯދަން ފަށައިފިއެވެ. އެގޮތުން ގެއްލިގެން ހޯދަމުންދަނީ ރ. އިނގުރައިދޫ، އުމުރުން 13 އަހަރުގެ، ޢާއިޝަތު ޒީވާ ސަޢީދު އެވެ.
ފުލުހުން ބުނީ ޒީވާ މިހާރު ދިރިއުޅެނީ ހުޅުމާލެ ފޭސް 2، އެޗް 12 ޓަވަރުގައި ކަމަށެވެ. އަދި އާއިލާއަށް ޚަބަރެއްނުވެ ގެއްލިފައިވާ ކަމަށް އޭޕްރިލް 01 ވަނަ ދުވަހުގެ ރޭ 07:45 އެހައިކަންހާއިރު ރިޕޯޓުކުރުމާ ގުޅިގެން އެ ކުއްޖާ ހޯދުމުގެ މަސައްކަތް ފުލުހުންދަނީ ކުރަމުން ކަމަށެވެ.
ޢާއިޝަތު ޒީވާ ސަޢީދު އެންމެ ފަހުން ފެނިފައިވަނީ އޭޕްރިލް 01 ވަނަ ދުވަހުގެ 18:00 އެހައިކަންހާއިރު، އެ ކުއްޖާ ދިރިއުޅޭ އެޕާޓްމަންޓުން ކަމަށާއި އެއިރު އެކުއްޖާ ލައިގެން ހުރީ ބެއިޖް ކުލައިގެ ޓޮޕަކާއި ހަމަ އެކުލައިގެން ޕޮކެޓް ޖިންސެއްކަމަށް އާއިލާއިން ފުލުހުންނަށް މައުލޫމާތުދީފައިވެއެވެ.
ޢާއިޝަތު ޒީވާ ސަޢީދުގެ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަން ނަންބަރު 3035336 އަށް ގުޅުއްވައި ހިއްސާކުރުމަށް ފުލުހުން އެދެއެވެ.
ދެރަ ކަމެއް.. ..ބަލި ކުއްޖަކީތާ؟ ނުވަތަ ބަލި ކުއްޖަކު އެމަންޖެ ގެންދިޔައީބާ؟އަވަހަށް ހޯދާ އެކުއްޖާ ސަލާމަތް ކުރެވޭތޯ އެންމެން މަސައްކަތް ކުރޭ.