ރައްޔިތުންގެ މަޖިލީހުގެ ޔޫއެސްއޭ-މޯލްޑިވްސް ފްރެންޑްޝިޕް ގްރޫޕުގެ މުޤައްރިރަކަށް ހިތަދޫ މެދު ދާއިރާގެ މެމްބަރު އަހުމަދު އަޒާން އަދި ނައިބު މުގަައްރިރަކަށް ފެލިދޫ ދާއިރާގެ މެމްބަރު އާދަމް ޒާހިރު އިންތިޚާބުކޮށްފިއެވެ.
ޔޫއެސްއޭ-މޯލްޑިވްސް ފްރެންޑްޝިޕް ގްރޫޕުގެ މުޤައްރިރާއި ނައިބުގެ މަޤާމަށް މި ދެ ބޭފުޅުން އައްޔަން ކޮށްފައިވަނީ ވޯޓުގައި ބައިވެރިވި ހުރިހާ މެމްބަރުންގެ އިއްތިފާގުންނެވެ.
އަޒާން މިހާރުވެސް ގެންދަވަނީ ޗައިނާ-މޯލްޑިވްސް ފްރެންޑްޝިޕް ގުރޫޕުގެ ނައިބު މުގައްރިރުގެ މަޤާމް ފުރުއްވަމުންނެވެ. އަދި އާދަމް ޒާހިރަކީ ރަޝިޔާ-މޯލްޑިވްސް ފްރެންޑްޝިޕް ގުރޫޕުގެ މުގައްރިރެވެ.
ޔޫއެސްއޭ-މޯލްޑިވްސް ފްރެންޑްޝިޕް ގްރޫޕުގެ މަގުސަދަކީ އެމެރިކާ އާއި ދިވެހިރާއްޖެއާއި ދެމެދު ގުޅުން އިތުރަށް ބަދަހިކުރުމެވެ.