ހުޅުމާލެ ސެންޓްރަލް ޕާރކް ކައިރީ ނުރައްކާތެރި އެކްސިޑެންޓެއް ހިނގައި 23 އަހަރުގެ ޒުވާނަކު ނިޔާވެއްޖެއެވެ.
ފުލުހުން މީޑިއާ އޮފިޝަލު ވިދާޅުވީ، ބާރު ސްޕީޑުގައި ދުއްވާފައި ދިޔަ ކާރަކާއި ސައިކަލެއް ޖެހި އެކްސިޑެންޓެއް ހިނގާފައިވާ ކަމަށް ރިޕޯޓް ކޮށްފައިވަނީ ރޭ ދަންވަރު 2:48 ހާއިރު ކަމަށެވެ.
އަދި މި އެކްސިޑެންޓްގައި ޖެހުނު ސައިކަލް ދުއްވަން އިން ޒުވާނާއަށް ހުޅުމާލޭ ހޮސްޕިޓަލުގައި ފަރުވާ ދެމުން ދަނިކޮށް ނިޔާވެފައިވާ ކަމަށް ހޮސްޕިޓަލުން ފުލުހުންނަށް މަޢުލޫމާތު ދީފައިވާ ކަމަށާ، ނިޔާވީ 23 އަހަރުގެ ދިވެހި ފިރިހެނެއް ކަމަށް ފުލުހުން ހާމަކުރެއެވެ.
ފުލުހުން އިތުރަށް ބުނީ، މި އެކްސިޑެންޓްގައި ހިމެނޭ ކާރު ދުއްވަން އިން މީހާ ހައްޔަރުކޮށްފައިވާ ކަމަށާ އެއީ 26 އަހަރުގެ ދިވެހި ފިރިހެނެއް ކަމަށެވެ.
މި އެކްސިޑެންޓްގެ މައްސަލަ ފުލުހުން ގެންދަނީ ތަޙުޤީޤު ކުރަމުންނެވެ.
