އިމިގްރޭޝަނާއި ފުލުހުން ގުޅިގެން ހިންގި އޮޕަރޭޝަނެއްގައި، ކަޅު ބާޒާރުގައި ޑޮލަރު ވިއްކާ ފަސް ބިދޭސީއަކު ގިނަ އަދަދެއްގެ ފައިސާއާ އެކު އަތުލައިގެންފި އެވެ.
އިމިގްރޭޝަނުން ބުނީ، ޓާސްކު ފޯހަށް ލިބުނު މަޢުލޫމާތެއްގެ އަލީގައި އެމީހުން އަތުލައިގަތުމަށް އިމިގްރޭޝަނާއި ފުލުހުން ގުޅިގެން ކުރިއަށް ގެންދިޔަ ރެއިޑުގައި ގަވާއިދާ ހިލާފަށް، ފުޅާދާއިރާއެއްގައި ކަޅު ބާޒާރުގައި ޑޮލަރުގެ ވިޔަފާރި ކުރަމުންދާ ފަސް ބިދޭސީއަކު ވަނީ އިމިގްރޭޝަން ބެލުމުގެ ދަށަށް ގެނެވިފައި ވާކަމަށާއި މި މީހުންގެ އަތުން ގިނަ އަދަދެއްގެ ފައިސާއާއި ކްރެޑިޓް ކާޑު ފެނިފައި ވާކަމަށެވެ.
މި މީހުން އަތުން ފެނުނު ފައިސާގެ ސީދާ އަދަދެއް ހާމައެއް ނުކުރެ އެވެ.
މި މައްސަލައާ ގުޅިގެން ބަލަންޖެހޭ ކަންކަން މިހާރު ފުލުހުން ދަނީ ބަލަމުންނެވެ.
ގަވައިދާ ހިލާފަށް އުޅޭ ބިދޭސީންނާއި ބިދޭސީންނަށް މަނާ ވިޔަފާރިތަކުގައި އުޅޭ މީހުން ހޯދަން ފަށާފައިވާ އޮޕަރޭޝަނުގައި މިފަދަ އެތައް ބަޔަކު މިހާތަނަށް ވަނީ އަތުލައިގެންފަ އެވެ.
އަދަދު ހާމަނުކުރުމަކީ ވަރަށް ބޮޑަށް ސުވާލު އުފެދޭ ކަމެކެވެ.. ތިޔައިގެން ދެބަކުޅަ އެއްބައި ކަޓުވައިލުމުގެ ބިރު އެބައޮތް..