ފެއްސާއި، ރަތާއި ހުދުގެ ދިދައަށްޓަކައި ކުރެވޭ ހަނގުރާމައަށްވުރެ މަތިވެރި ހަނގުރާމައެއް ނުވާކަމަށް ކުރީގެ ރައީސް ޔާމީން ވިދާޅުވެއްޖެއެވެ. މިރޭ ކުރެއްވި ޓުވީޓެއްގައި އިދިކޮޅު ލީޑަރު ޔާމީން ވިދާޅުވީ، މަރުވަންދެން ދިވެހި ދިދަ ހިމާޔަތް ކުރަން ޖެހޭ ކަމަށެވެ.
މި ރައީސް ޔާމީން ވިދާޅުވީ، ކާބަފައިންނަކީ ދިވެހި ގައުމަށްޓަކައި ވަރަށް މަތިވެރި ފަހުރެއްވި ބައެއް ކަމަށާއި އަޅުގަނޑުމެންގެ ކާބަފައިން ވަނީ އެތައް ގުނައެއް ބޮޑު ލަޝްކަރުތަކާއި ހަނގުރާމަކޮށްފައި ކަމަށެވެ.
އިދިކޮޅުން އިންޑިއާ އައުޓް ކެމްޕެއިން ވަރަށް ފުޅާކޮށް ކުރަމުންދާއިރު ސަރުކާރުން އިންޑިއާގެ ދަށުވެފައިވާ ކަމަށްވެސް ދަނީ ތުހުމަތު ކުރަމުންނެވެ.