އިމިގްރޭޝަންގެ އޮފިސަރުން ކަަމަށް ބުނެ ބަންގްލަދޭޝްގެ މީހުންގެ އަތުން ފޭރޭ ބައެއްގެ މައްސަލަ ފެންމަތިވެއްޖެއެވެ.
އިމިގްރޭޝަނުން ވަނީ އެ އިދާރާގެ އޮފިސަރުން ކަމަށް ބުނެ ބަޔަކު އޮޅުވާލައިގެން ބިދޭސީން އުޅެމުންދާ ތަންތަން ބަލައި ފާސްކުރަމުންދާ މައްސަލަ ލިބިފައިވާކަމަށް ބުނެފައެވެ. އަދި އެއީ އިމިގްރޭޝަންގެ އޮފިސަރުން ނޫން ކަމަށާއި، ރެއިޑްތަކުގައި ހަރަކާތްތެރިވާ އޮފިސަރުން ނަމަ ޔުނީފޯމާއެކު، އަތުގައި ފާސްވެސް އޮންނާނެކަމަށް އިމިގްރޭޝަނުން ބުނެއެވެ.
ކޮންޓްރޯލާ ޖެނެރަލް އޮފް އިމިގްރޭޝަން މުހައްމަދު ޝައްމާން ވަހީދުވެސް ވަނީ އިމިގްރޭޝަންގެ ރެއިޑްތަކުގައި އޮފިސަރުންގެ އިމިގްރޭޝަންގެ އައިޑީ ފެންނާނެ ގޮތަށް ހުންނާނެ ކަމަށް ވިދާޅުވެފައެވެ. އަދި މިހާރުގެ އޮޕަރޭޝަންތަކަކީ ޔުނީފޯމް ލައިގެން ކުރިއަށްގެންދާ އޮޕަރޭޝަންތަކެއް ކަމަށްވެސް ޝައްމާން ވިދާޅުވިއެވެ.
އިމިގްރޭޝަންގެ އޮފިޝަލުންކަަމަށް ބުނެ ބަންގްލަދޭޝްގެ މީހެއްގެ އަތުން ފޭރުނު މައްސަލައަކާ ގުޅިގެން ފުލުހުން ވަނީ އެކަކު ހައްޔަރުކޮށްފަ އެވެ.
އެގޮތުން ފުލުހުން ވަނީ ބިދޭސީން ދިރިއުޅޭ ތަނަކަށް އިމިގްރޭޝަންގެ އޮފިސަރުންގެ ނަމުގައި 3 މީހަކު ވަދެ، ބަންގަލަދޭޝް މީހެއްގެ އަތުން މޯބައިލް ފޯނަކާއި 9000 ރުފިފާ ފޭރުނު މައްސަލަ ރިޕޯޓްކޮށްފައިވާ ކަމަށް ބުނެފައެވެ.
އިއްޔެ ހުށަހެޅި މި މައްސަލައާއި ގުޅިގެން ކޯޓު އަމުރެއްގެ ދަށުން ހައްޔަރުކޮށްފައިވަނީ ގ. ބެރުގެ، މުހައްމަދަު ނަވީން (44އ) އެވެ.
ހައްލަކީ ޢުމަރު