މަގުތަކަށް ގިނަ ފުލުހުން ނުކުމެ ސަލާމަތީ ކަންކަން ބަލަން ފަށާފައިވާއިރު ފާއިތުވި އޮގަސްޓް މަހާ އަޅާބަލާއިރު މިދިޔަ ސެޕްޓެމްބަރު މަހު ރާއްޖޭގައި ވައްކަމާއި ފޭރުމުގެ އިތުރުން އެހެނިހެން ކުށްތައް ވެސް މަދުވެފައިވާކަން ފުލުހުންގެ ތަފާސް ހިސާބުތަކުން ދައްކައިފިއެވެ.
މަގުތަކަށް ގިނަ ފުލުހުން ނުކުމެ ސަލާމަތީ ކަންކަން ބަލަން ފަށާފައިވާއިރު ފާއިތުވި އޮގަސްޓް މަހާ އަޅާބަލާއިރު މިދިޔަ ސެޕްޓެމްބަރު މަހު ރާއްޖޭގައި ވައްކަމާއި ފޭރުމުގެ އިތުރުން އެހެނިހެން ކުށްތައް ވެސް މަދުވެފައިވާކަން ފުލުހުންގެ ތަފާސް ހިސާބުތަކުން ދައްކައިފިއެވެ.
އެގޮތުން ވައްކަމުގެ 327 މައްސަލައެއް އޮގަސްޓު މަހު ރިޕޯޓުކޮށްފައުވާއިރު ސެޕްޓެމްބަރު މަހު އެ އަދަދު ވަނީ 230 އަށް މަދުވެފައެވެ. އަދި ޓްރެފިކް އެކްސިޑެންޓްގެ 204 މައްސަލަ އޮގަސްޓު މަހު ހުށަހަޅާފައިވާއިރު އެ އަދަދު ވެސް ވަނީ 143 އަށް މަދުވެފައެވެ. ހަމައެހެންމެ ފޭރުމުގެ 46 މައްސަލައެއް އޮގަސްޓު މަހު ހުށަހަޅާފައިވާއިރު ސެޕްޓެމްބަރު މަހު ވަނީ އެ އަދަދު 32 އަށް މަދުވެފައެވެ.
މީގެ އިތުރުން ހުށަހަޅާފައިވާ މައްސަލަތަކުގެ ތަފާސް ހިސާބުތަކަށް ބަލާއިރު:
ގެވެށި އަނިޔާ: އޮގަސްޓު – 31 މައްސަލަ، ސެޕްޓެމްބަރު: 11 މައްސަލަ
މަސްތުވާތަކެތި: އޮގަސްޓ – 134 މައްސަލަ، ސެޕްޓެމްބަރު: 111 މައްސަލަ
މާރާމާރީ: އޮގަސްޓް – 55 މައްސަލަ، ސެޕްޓެމްބަރު: 48 މައްސަލަ
ޖިންސީ ގޯނާ: 43 އޮގަސްޓް – މައްސަލަ، ސެޕްޓެމްބަރު: 12 މައްސަލަ
މީގެ އިތުރުން ގެއްލުން ދިނުމުގެ 50 މައްސަލަ މި އަހަރުގެ އޮގަސްޓް މަހު ރިޕޯޓްކުރިއިރު ސެޕްޓެމްބަރު މަހު ރިޕޯޓްކޮށްފައިވަނީ 40 މައްސަލަ ކަމަށް ފުލުހުން ބުނެއެވެ.
އޮގަސްޓު މަހު އެ މައްސަލަތަކުގެ ޖުމްލަ އަދަދަކީ 649 ކަމަށް ތަފާސް ހިސާބުތަކުން ދައްކަ އެވެ. އަދި ސެޕްޓެމްބަރު މަހުގައި ރިޕޯޓްކުރެވުނު މައްސަލަތަކުގެ އަދަދަކީ 472 ކަމަށް ތަފާސް ހިސާބުތަކުން ދައްކަ އެވެ. މިއީ އޮގަސްޓު މަހާ އަޅާ ބަލާއިރު 177 ދަށް އަދަދެކެވެ.
އެ ތަފާސް ހިސާބުތައް ހިއްސާކުރަަމުން ޝިފާން ވިދާޅުވީ ކުށްތައް މަދުވީ ސްޓްރެޓެޖިކް ޕްލޭންގެ ދަށުން ހިންގަމުންދާ ލޯކަލް ފްރޮންޓްލައިން ޕޮލިސިން ގައި އަލަށް ފެށި މަސައްކަތްތަކުގެ ސަބަބުން ކަމަށެވެ. އަދި ތަފާސް ހިސާބުތަކުން ފެންނަނީ އޭގެ ރަނގަޅު ނަތީޖާތައް ކަމަށް އޭނާ ވިދާޅުވި އެވެ.