ވަނީ މުހިންމު މަޢުލޫމާތުތަކެއް ހާމަކުރައްވާފައެވެ. މިގޮތުން، މިދިޔަ އެއް އަހަރުގެ ތެރޭގައި 183 ކިލޯގެ މަސްތުވާތަކެތި އަތުލައިގަނެވިފައިވާ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެ އެވެ.
މި ސަރުކާރު ވެރިކަމަށް އައިތާ އެއް އަހަރު ފުރުމާ ގުޅިގެން، ޕީއެސްއެމްއިން އިން ގެނެސްދިން ޕްރޮގްރާމެއްގައި ވާހަކަދައްކަމުން އިހުސާން ވިދާޅުވީ މި މަސްތުވާތަކެތީގެ އަގަކީ 333 މިލިއަން ރުފިޔާ ކަމަށެވެ.
މީގެ އިތުރުން، ޖަލުތަކުގައި ހިނގަމުންދާ ސްކޭމް ކޯލްތަކާއި މަސްތުވާތަކެތި ބޭނުންކުރުން ހުއްޓުވުމަށް ޚާއްސަ އޮޕަރޭޝަނެއް ހިންގިފައިވާ ކަމަށާއި، މި އޮޕަރޭޝަނުގެ ތެރެއިން ބައެއް ޖަލު އޮފިސަރުން މިފަދަ ޙަރަކާތްތަކުގައި ބައިވެރިވާކަން ފާހަގަކުރެވިފައިވާ ކަމަށްވެސް އޭނާ ވިދާޅުވިއެވެ. މިކަމާ ގުޅިގެން، ރައީސުލްޖުމްހޫރިއްޔާ ވަނީ ހަރުކަށި ފިޔަވަޅުތަކެއް އަޅުއްވާފައެވެ.
ހޯމް މިނިސްޓަރު އިތުރަށް ވިދާޅުވީ، ގޭންގު ކުށްތަކާއި މަސްތުވާތަކެތީގެ މައްސަލަތަކަށް ދާއިމީ ޙައްލެއް ހޯދުމަށްޓަކައި، މިހާރު ހުރި ގާނޫނުތަކުގައިވާ މައްސަލަތައް ދެނެގަނެ، އިޞްލާޙު ކުރުމަށްފަހު އައު ބިލްތަކެއް އެޓަރނީ ޖެނެރަލްގެ އޮފީހަށް ފޮނުވާފައިވާ ކަމަށެވެ.
މި ބިލްތަކާއި ސަރުކާރުން ކުރަމުންދާ މަސައްކަތްތަކުގެ ނަތީޖާ އަވަހަށް ފެންނަން ފަށާނެ ކަމަށް އުންމީދު ކުރައްވާކަމަށް ވެސް އޭނާ ވިދާޅުވިއެވެ.
މީގެއިތުރުން ހޯމް މިނިސްޓަރުވަނީ މީހުންނާއި ދޭތެރޭގައި ސިޔާސީ ނަޒަރަކުން ފިޔަވަޅު އެޅުމަކީ ރައީސްގެ ވިސްނުންފުޅެއް ނޫން ކަމަށާއި ނަމަވެސް ސިޔާސީ މީހަކު ވިޔަސް ދައުލަތަށް ހިޔާނާތްތެރިވެފައި އޮވެއްޖެނަމަ އެމީހެއްގެ މައްސަލަ ބަލާނެ ކަމަށް ވިދާޅުވެފައެވެ.