މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އިއްޔެ ހާމަކުރި ގޮތުގައި، ބޭރުފައިސާއާ ބެހޭ އައު ގަވާއިދުގެ ދަށުން ރާއްޖޭގައި ހިންގާ 173 ރިސޯޓު މިހާރު ވަނީ އެމްއެމްއޭގައި ރަޖިސްޓަރީވެފައެވެ. މިއީ ރާއްޖޭގައި މިވަގުތު ހިންގަމުންދާ 174 ރިސޯޓުގެ ތެރެއިން ގިނަ އަދަދެކެވެ.
މި އައު ގަވާއިދަކީ ފޮރިން އެކްސްޗޭންޖް ރޭޓްގެ ނިޒާމު ތަންފީޒު ކުރުމަށާއި ބޭރު ފައިސާއިން ކުރާ މުއާމަލާތްތައް ކަނޑައެޅުމަށް އެކުލަވާލެވިފައިވާ ގަވާއިދެކެވެ. މި ގަވާއިދުގެ 5 ވަނަ މާއްދާގެ ދަށުން، ޓޫރިޒަމް ދާއިރާގެ މުދާ ވިއްކާ އަދި ޚިދުމަތް ފޯރުކޮށްދޭ އެންމެހައި ފަރާތްތަކުން އެމްއެމްއޭގައި ރަޖިސްޓަރީވުން ލާޒިމުކޮށްފައިވެއެވެ.
އެމްއެމްއޭގެ ބަޔާނެއްގައި ބުނެފައިވަނީ މިފަދަ ފިޔަވަޅުތަކަކީ ރާއްޖޭގެ ފޮރިން އެކްސްޗޭންޖް މާކެޓް އިތުރަށް ފުޅާކުރުމަށާއި ފޮރިން އެކްސްޗޭންޖް ސިޔާސަތުތައް ފުރިހަމައަށް ތަންފީޒުކުރުމަށް މުހިންމު ކަންކަން ކަމަށެވެ. އަދި މިކަމަށް ހުރިހާ ފަރާތްތަކުން އެއްބާރުލުން ދިނުމަށް އެދިފައިވެއެވެ.
މީގެ އިތުރުން، ރާއްޖެއަށް ވަންނަ ބޭރު ފައިސާއާ ބެހޭ ގަވާއިދުގެ ދަށުން، ޓޫރިޒަމް ދާއިރާއަށް ބޭރު ފައިސާއިން ލިބޭ އާމްދަނީގެ ބައެއް ބޭންކުތަކަށް މާރުކުރުން އެމްއެމްއޭއިން ވަނީ ލާޒިމުކޮށްފައެވެ.
މި އައު ގަވާއިދުތަކުގެ ސަބަބުން ރާއްޖޭގެ ފޮރިން އެކްސްޗޭންޖް މާކެޓަށް އިޖާބީ ބަދަލުތަކެއް އަންނާނެ ކަމަށް އެމްއެމްއޭއިން އުންމީދުކުރެއެވެ.