މ. ދިއްގަރު ސިއްޙީ މަރުކަޒުގައި ގާއިމުކުރެވުނު ގައިންގަޔަށް ނާރާ ބަލިތަކުގެ (އެން.ސީ.ޑީ) ކްލިނިކް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު މިއަދު ހުޅުއްވައިދެއްވައިފިއެވެ.
ކްލިނިކް ހުޅުއްވައިދެއްވުމަށްފަހު މެޑަމް ސާޖިދާ ވަނީ އެތަން ބައްލަވާލައްވައި، ފޯރުކޮށްދޭ ޚިދުމަތްތަކާ ބެހޭ މަޢުލޫމާތު ސާފުކުރައްވާފައެވެ. އަދި ދިއްގަރު ސިއްޙީ މަރުކަޒުގެ ޚާއްޞަ ފޮތުގައި ސޮއިކުރައްވާފައިވެއެވެ.
މި ރަސްމިއްޔާތުގައި ދިއްގަރު ސިއްޙީ މަރުކަޒާއި ދިއްގަރު ކައުންސިލް އިދާރާގެ ފަރާތުން މެޑަމް ސާޖިދާއަށް ހަނދާނީ ހަދިޔާއެއް އަރުވާފައިވެއެވެ.
މި ދަތުރުފުޅުގައި މެޑަމް ސާޖިދާ މިއަދު ދިއްގަރު ސްކޫލުގައި ބާއްވާ ހަކުރުބަލީގެ ދުވަހުގެ ޚާއްސަ ހަފްލާ ޝަރަފުވެރިކޮށްދެއްވާނެއެވެ.