ރިސޯޓުތަކާއި ގެސްޓްހައުސްތަކުން ލިބޭ ޑޮލަރުގެ ވަކި މިންވަރެއް ބޭންކުތަކުން މާރުކުރަންޖެހޭ ގޮތަށް ހެދިފައިވާ ގަވާއިދު ބަދަލު ނުކުރައްވާނެ ކަމަށް ރައީސް ޑރ. މުޙައްމަދު މުއިއްޒު ވިދާޅުވެއްޖެއެވެ.
ސަރުކާރަށް އެއް އަހަރު ފުރުމާ ގުޅިގެން ބޭއްވުނު ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވިދާޅުވީ މި ގަވާއިދަކީ ޤާނޫނުއަސާސީއާ އެއްގޮތްވާ ގޮތުގެ މަތިން އެކުލަވާލެވިފައިވާ ގަވާއިދެއް ކަމަށެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ފާއިތުވި މަހު ނެރުނު މި ގަވާއިދުގެ ދަށުން، ރިސޯޓުތަކާއި ހޮޓާތަކާއި އުޅަނދުތަކުން ކޮންމެ ޓޫރިސްޓަކަށް 500 ޑޮލަރުގެ ރޭޓުން ބޭންކަކަށް ޖަމާކޮށް ރުފިޔާއަށް މާރުކުރަންޖެހެއެވެ. އަދި ގެސްޓްހައުސްތަކާއި މީހުން ދިރިއުޅޭ ރަށްރަށުގައި ހިންގާ ހޮޓާތަކުން ކޮންމެ ޓޫރިސްޓަކަށް 25 ޑޮލަރުގެ ރޭޓުން މާރުކުރަންޖެހެއެވެ.
މި ގަވާއިދާ ގުޅިގެން ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކުން ކަންބޮޑުވުން ފާޅުކޮށްފައިވީ ނަމަވެސް، ރައީސް މުއިއްޒު ވަނީ މި ގަވާއިދަށް އަމަލުކުރަން ޖެހޭނެ ކަމަށް ތަކުރާރުކޮށް ވިދާޅުވެފައެވެ.
އެމްއެމްއޭ އިން ބުނެފައިވަނީ މި ފިޔަވަޅުތައް އަޅާފައިވަނީ ބޭރު ފައިސާއިން ލިބޭ އާމްދަނީ ރާއްޖޭގައި ާއްޖޭގައި ހިފެހެއްޓުން ހަރުދަނާކޮށް، ބޭރު ފައިސާގެ ލިކުއިޑިޓީ އިތުރުކުރުމުގެ ގޮތުން ކަމަށެވެ.