ނެޝަނަލް ރެޖިސްޓްރޭޝަން ޑިޕާޓްމަންޓުން ހުޅުމާލެ އަދި ވިލިމާލޭގައި ޤާއިމްކޮށްފައިވާ އާ އޮފީސްތަކަށް 10 ވަޒީފާގެ ފުރުސަތު ހުޅުވާލައިފިއެވެ. މި ވަޒީފާތަކަކީ ހުޅުމާލެ ފޭސް 1، ފޭސް 2 އަދި ވިލިމާލޭގައި ޤާއިމްކުރެވިފައިވާ އޮފީސްތަކަށް ބޭނުންވާ މަޤާމުތަކެވެ.
ހުޅުވާލެވިފައިވާ މަޤާމުތަކުގެ ތެރޭގައި ހިމެނެނީ ކޮމްޕިއުޓަރ ޓެކްނީޝަން (އެމް.އެސް 2) ގެ 1 މަޤާމު، ރަޖިސްޓްރޭޝަން އޮފިސަރ (އެމްއެސް 1) ގެ 1 މަޤާމު، ކަސްޓަމަރ ސާވިސް އޮފިސަރ (އެމްއެސް 1) ގެ 3 މަޤާމު، އެސިސްޓަންޓް ރަޖިސްޓްރޭޝަން އޮފިސަރ (ޖީއެސް4) ގެ 3 މަޤާމު އަދި އެސިސްޓެންޓް ކަސްޓަމަރ ސާވިސް އޮފިސަރގެ 1 މަޤާމެވެ.
މި ވަޒީފާތަކަށް ކުރިމަތިލުމުގެ ސުންގަޑިއަކީ 1 ޑިސެމްބަރު 2024 ވާ ބުރާސްފަތި ދުވަހުގެ މެންދުރު 12:00 އެވެ. އިތުރު މަޢުލޫމާތު ހޯދުމަށް 7260072 ނަންބަރާ ގުޅުމަށް އިޢުލާނުގައި ބަބުނެފައިވެއެވެ.
ނެޝަނަލް ރެޖިސްޓްރޭޝަންގެ އޮފީސްތައް މިހާރު ޤާއިމްކޮށްފައިވަނީ ހެޑް އޮފީސް ވެލާނާގެ 4 ވަނަ ފަންގިފިލާގައާއި، ވިލިމާލޭގައި އީ ބްލޮކްގެ ގްރައުންޑް ފްލޯގައެވެ. އަދި ހުޅުމާލެ ފޭސް 1 ގައި އުމަރު ޒާހިރު ބިލްޑިންގްގެ ގްރައުންޑް ފްލޯގައާއި، ހުޅުމާލެ ފޭސް 2 ގައި ވިނަރެސް 2 ގެ 1 ވަނަ ފަންގިފިލާގައެވެ.