މިއަދުގެ ރައްޔިތުންގެ މަޖިލީހުގެ ޖަލްސާގައި 2024 ވަނަ އަހަރަށް ސަރުކާރުން ހުށަހަޅާފައިވާ ބަޖެޓު ފާސްކުރުމަށް ވޯޓަށް އެހުމަށް އެޖެންޑާ ކޮށްފިއެވެ. މި ބަޖެޓަކީ 56.6 ބިލިއަން ރުފިޔާގެ ބަޖެޓެކެވެ.
ބަޖެޓު ދިރާސާކުރާ ކޮމިޓީން މި މަހުގެ 20 ވަނަ ދުވަހު ބަޖެޓުގެ މަސައްކަތް ނިންމާލާފައިވާއިރު، ކޮމިޓީގެ 19 މެންބަރުންގެ ތެރެއިން 15 މެންބަރުންގެ ވޯޓުން ވަނީ ބަޖެޓު ފާސްކޮށްފައެވެ. ނަމަވެސް، ބަޖެޓުގެ ތަފްސީލު މަޖިލީހާ ހިއްސާކުރުމަށް ކޮމިޓީން ވަނީ ޝަރުތުކޮށްފައެވެ.
މި ބަޖެޓުގައި ޚަރަދުގެ ގޮތުގައި 49.2 ބިލިއަން ރުފިޔާ ހިމެނޭއިރު، ރިކަރަންޓް ޚަރަދުގެ ގޮތުގައި 35.9 ބިލިއަން ރުފިޔާ އަދި ކެޕިޓަލް ޚަރަދުގެ ގޮތުގައި 13.3 ބިލިއަން ރުފިޔާ ހިމެނިފައިވެއެވެ. އަދި ތަރައްޤީގެ މަޝްރޫޢުތަކަށް 12.4 ބިލިއަން ރުފިޔާ ވަނީ ކަނޑައެޅިފައެވެ.
މިއަދުގެ މަޖިލިސް ޖަލްސާގައި މި ބަޖެޓު ފާސްވެއްޖެނަމަ، އަންނަ އަހަރުގެ ބަޖެޓު ތަންފީޒުކުރުމަށް މަގުފަހިވެގެންދާނެއެވެ.