ވ. ރަކީދޫ އިއާދަކުރަނިވި ހަކަތައިގެ ދާއިރާގައި ރާއްޖޭގެ ނަމޫނާއަކަށް ވެއްޖެކަމަށް ސްޓެލްކޯ އެމްޑީ ހުސެއިން ފަހުމީ ވިދާޅުވެއްޖެއެވެ.
“އެކްސް”ގަިއ ކުރެއްވި ޕޯސްޓެއްގައި ފަހުމީ ވަނީ މިހާރު އެ ރަށުގައި ބޭނުންކުރަމުންދަނީ ހައިބްރިޑް ޕީވީ-ބެސް-ޑީޖީ ސިސްޓަމެއް ކަމަށް ވިދާޅުވެފައެވެ. އަދި މި ސިސްޓަމްގެ ދަށުން އިރުގެ އަލިން އުފައްދާ ކަރަންޓާއި ބެޓެރީގައި ރައްކާކުރެވޭ ހަކަތަ ބޭނުންކޮށްގެން ރަށަށް ކަރަންޓު ފޯރުކޮށްދެވޭކަމަށް ފަހުމީ ވިދާޅުވިއެވެ.
މި ކުރިއެރުމާއެކު މިހާރު ރަކީދޫގައި ޖަނަރޭޓަރު ޖައްސަން ޖެހެނީ ދުވާލަކު އެންމެ 2 ގަޑިއިރަށް ކަމަށްވެސް ފަހުމީ ވަނީ ފާހަގަކުރައްވާފައެވެ.
އަދި މި ކާމިޔާބީން ވެސް ރައީސް ޑރ. މުޙައްމަދު މުޢިއްޒުގެ ވިސްނުންފުޅާއި އަޒުމުގެ ސަބަބުން ރާއްޖޭގައި އިއާދަކުރަނިވި ހަކަތައިގެ ބޭނުންކުރުން 33 އިންސައްތައަށް އިތުރުކުރުމުގެ ލަނޑުދަނޑިއާ ދިމާލަށް ދަތުރުކުރަމުންދާކަން ހާމަވެގެންދާކަމަށާއި، މިއީ ޤައުމީ ފެންވަރުގައި ޙާޞިލުކުރެވުނު މުހިންމު މަރުޙަލާއެއްކަމަށް ފަހުމީ ވިދާޅުވިއެވެ.
ފަހުމީ ވަނީ މި ކާމިޔާބީ ފާހަގަކުރައްވައި، ރައީސް މުޢިއްޒަށް ޝުކުރު އަދާކުރައްވާފައެވެ.