އިމިގްރޭޝަނުން ރާއްޖޭގެ 5 ސަރަހައްދުން ޕާސްޕޯޓުގެ ހިދުމަތް ލިބޭނެގޮތަށް ހަމަޖައްސާ އޮފީސް ޤާއިމްކޮށްފިއެވެ.
އެ އިދާރާއިން އަލަށް ޕާސްޕޯޓު ހެދުމުގެ ހިދުމަތް ދޭން ފަށާފައި ވަނީ ހުޅުމާލެ ފޭސް 1 އަދި 2، ވިލިމާލެ، ދ. އަތޮޅު އަދި ލ. އަތޮޅުގައެވެ.
އިމިގްރޭޝަނުން ވަނީ އެ އިދާރާގެ އާ އޮފީސްތައް ހުރި ސަރަހައްދު އާންމުކޮށްފައެވެ.
- ހުޅުމާލެ ފޭސް 1 – އުމަރު ޒާހިރު ބިލްޑިންގ ގްރައުންޑް ފްލޯ
- ހުޅުމާލެފޭސް 2 – ވިނަރެސް 2، އެއްވަނަ ފަންގިފިލާ
- ވިލިމާލެ – ގަވަރމަންޓް ސާވިސް ސެންޓަރ
- ދ. އަތޮޅު – ދ. އަތޮޅު ކައުންސިލް އިދާރާ، ކުޑަހުވަދޫ
- ލ. އަތޮޅު – ލ. ފޮނަދޫ ކައުންސިލް އިދާރާ، ފޮނަދޫ
މި އޮފީސްތައް ޤާއިމްކޮށްފައި މިވަނީ ރާއްޖޭގެ ހުރިހާ ސިޓީއަކާއި އަތޮޅު ކައުންސިލަކުން ޕާސްޕޯޓުގެ ޚިދުމަތް ދޭން ފެށުމަށް ސަރުކާރުން ފެށި މަޝްރޫއުގެ ދަށުންނެވެ.
ސަރުކާރުގެ ސިޔާސަތުގައި ހިމެނޭ، ޕާސްޕޯޓު ހެދުން މިހާރަށްވުރެ ރަނގަޅު އިންތިޒާމުތަކެއް ހަމަޖެއްސުމުގެ ދަށުން ޕާސްޕޯޓުގެ ހެދުމުގެ މަސައްކަތް ތަފާތު އެހެން މަރުހަލާއަކަށް ގެންދަން ރައީސް ޑރ މުހައްމަދު މުއިއްޒު ވަނީ ނިންމަވާފައެވެ.