ތަދުކަނޑުވަން ބޭނުންކުރާ ދެ ބޭހެއް ރާއްޖެ އެތެކުރުމާއި ވިއްކުމާއި އަދި ބޭނުންކުރުން ވަގުތީ ގޮތުން މަނާކޮށްފި އެވެ.
އެކަމާ ގުޅިގެން އެމްއެފްޑީއޭއިން ނެރުނު ބަޔާނެއްގައި ވަނީ، ޕާކިސްތާނުން އުފައްދައި މެފްނެކް ސުސްޕެންޝަންގެ 50 މިލިގްރާމް (މެފެނަމިކް އެސިޑް) އަދި މެލޭޝިއާގައި އުފައްދާ އެކްސެލް މެފެނެމިކް އެސިޑް ސަސްޕެންޝަން 125 މިލިގްރާމް (މެފެނެމިކް އެސިޑް)އިން ނުރައްކާތެރި ކެމިކަލެއް ކަމަށްވާ ޑައިއީތަލިން ގްލައިކޯލް އަދި އީތައިލިން ގްލައިކޯލް ފެނިފައިވާ ކަމަށެވެ.
އަދި މާކެޓުން ބޭހުގެ ސާމްޕަލް ނަގާ ސްކްރީން ކުރުމުގެ މަސައްކަތްވެސް މެދު ކެނޑުމެއްނެތި ކުރަމުންދާ ކަމަށް އެމްއެފްޑީއޭއިން ބުންޏެވެ.
އެ އޮތޯރިޓީން ވަނީ ވަކި އެއްޗެއް އަންގަން ދެން އެ ދެ ބޭހުގެ އެއްވެސް ބެޗެއް ރާއްޖެ އެތެރެކުރުމާއި ވިއްކުމާއި ބޭނުންކުރުން ވަގުތީ ގޮތުން މަނާކޮށްފައިވާ ކަމަށެވެ.
އެހެންކަމުން މިވަގުތު ބޭސްފިހާރަތަކުގައި ހުރި މި ބޭހުގެ ސްޓޮކްތައް ވެސް ވަކިކޮށްފައި ބެހެއްޓުމަށް އެމްއެފްޑީއޭއިން ވަނީ އިލްތިމާސްކޮށްފައެވެ.