ކަސްޓަމްސް އޮފިސަރުންތަކެއްގެ މަނީލޯންޑަރިން އާއި ޚިޔާނާތާއި ރިޝްވަތުގެ މައްސަލައެއް ބަލަމުން ދާކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ރާއްޖޭގެ ބައެއް މީޑިޔާތަކުން ރިޕޯޓުކޮށްފައިވާގޮތުގައި ހިޔާނާތުގެ މި މައްސަލައިގައި ހިމެނޭ ކަސްޓަމްސްގެ 20 އޮފިސަރެއްގެ މައްސަލަ ކަމާބެހޭ ފަރާތްތަކުގެ ސަމާލުކަމަށް ވަނީ އައިސްފަ އެވެ. އެގޮތުން މި 400 މިލިއަން ރުފިޔާ ދައުރުވެފައިވަނީ 20 މީހެއްގެ އެކައުންޓުގައި ކަމަށާއި ނަމަވެސް ފުލުހުން ތަހުގީގު މިހާތަނަށް ފުޅާކޮށްފައިވަނީ ތިން ހަތަރު އޮފިސަރެއްގެ މައްޗަށް ކަމަށް ރިޕޯޓުކޮށްފައެވެ.
މި ޚަބަރާ ގުޅިގެން ފުލުހުންގެ މީޑިއާ އޮފިޝަލް މިއަދު ވިދާޅުވެފައިވަނީ މޯލްޑިވްސް ކަސްޓަމްސް ސަރވިސްގެ މުވައްޒަފުންތަކަކަށް ތުހުމަތު ކުރެވޭ މަނީ ލޯންޑަރިންގ، ޚިޔާނާތް އަދި ރިޝްވަތުގެ މައްސަލައެއް ފުލުހުންގެ ސަމާލުކަމަށް އައިސްފައިވާ ކަމަށެވެ.
އަދި އެ މައްސަލައިގެ ތަހުޤީޤު، 2024 އޯގަސްޓް 19 ވަނަ ދުވަހު ފަށާފައި ވާކަމަށް ދިވެހި ފުލުހުންގެ ޚިދުމަތުން މަޢުލޫމާތު ދީފައިވެއެވެ.
މި މައްސަަލަ ރައްޔިތުންގެ މަޖިލީހުގައި ސަލާމަތީ ހިދުމަތްތަކަށް އޮންނަ 241 ކޮމިޓީގެ ސަމާލު ކަމަށް ވެސް ވަނީ ގެެނެސްފަ އެވެ.