ކުރިއަށް އޮތް ރޯދަމަހު ހަފުތާގެ ހުކުރު ދުވަސް ފިޔަވައި ކޮންމެ ދުވަހަކު ވެސް 150 ކޮންޓެއިނަރު ކްލިއާ ކުރަން މަސައްކަތް ކުރާނެ ކަމަށް އެމްޕީއެލް އިން މިއަދު ބުނެފި އެވެ.
މި ފެށޭ ރޯދަ މަހުގެ މުދާ ދޫކުރުމުގެ މަސައްކަތް ކުރުމަށް ރޭވިފައިވާ ގޮތް ހިއްސާ ކުރުމަށް މިއަދު ބޭއްވި ނޫސްވެރިންގެ ބައްދަލުވުމުގައި ޕޯޓް ޑިޕާޓްމެންޓްގެ ހެޑް އިލްޔާސް މުހައްމަދު ވިދާޅުވީ ރޯދަ މަހަށް ހާއްސަކޮށްގެން މަސައްކަތް އަވަސްކުރުމުގެ ގޮތުން ވަގުތީ ގޮތުން 19 މުވައްޒަފުން ކާގޯ ވެސެލްތަކަށް ހާއްސަކޮށް ނަގާފައިވާ ކަމަށެވެ.
އަދިފުލް އޮޕަރޭޝަންގައި މަސައްކަތް ކުރާއިރު، ދުވާލަކަށް 150 ކޮންޓެއިނަރު ކްލިއާ ކުރުމުގެ މަސައްކަތް ފަށައި، “ހާފް ޑޭ ތަކުގައި” 100 ކޮންޓެއިނަރު ކްލިއާ ކުރުމަކީ އަމާޒެއް ކަމަށް އިލްޔާސް ވިދާޅުވެފައިވެއެވެ.
އިލްޔާސް ވަނ އާންމުކޮށް ކޮންޓެއިނާ ވެސެލްތަކާއި ޖެނެރަލް ވެސެލްތައް ޖެއްސި ނަމަވެސް، މިހާރު ދެ ވެސެލް އެއްކޮށް ގާތްގަނޑަކަށް 10 ވަރަކަށް ވެސަލް ޖައްސާކަން އިލްޔާސް ފާހަގަކުރައްވާފައެވެ. އިލްޔާސް ވިދާޅުވީ “ޝެޑިއުލް ވައިސް” ނޫން ކޮށް ޝިޕިން އެޖެންޓުން މުދާ ގެންނާތީ ބޯޓުތައް އަންނަނީ އެއްފަހަރާ ކަމަށެވެ.
އެހެން އަހަރެކޭ ވެސް އެއްގޮތަށް މި އަހަރުގެ ރޯދަމަހު އެންމެ ބޮޑު އިސްކަމެއް ދޭނީ، އެތެރެކުރާ ޕެރިޝަބަލް ސާމާނު ނުވަތަ ޖެނެރަލް ކާގޯ ވީހާ ވެސް ފަސޭހައިން ކްލިއާ ކުރެވޭނެ ގޮތަކަށް ރާވަން ކަމަށް އޭނާ ވިދާޅުވި އެވެ.
ރޯދަމަހުގެ ހުކުރު ދުވަސް ފިޔަވައި ކޮންމެ ދުވަހަކު ވެސް މުދާ އުފުލުގެ އޮޕަރޭޝަން ކުރިއަށް ގެންދާނެ އެވެ.
އެ ފިޔަވަޅު އެޅީ އެއްވެސް ދަތި ކަމެއް ނެތި ރޯދަ މަހު އާންމުންނަށް ބޭނުންވާ އަސާސީ މުދާ އަދި ކާބޯތަކެތި ފޯރުކޮށްދިނުމުގެ ގޮތުން ކަމަށް ފާހަގަކުރި އެވެ.