މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ޕޯޓް ރެސިޑަންސްގެ އެޕާޓްމަންޓެއްގައި އިއްޔެ ރޭ ހިނގި އަލިފާނުގެ ހާދިސާ ހުއްޓުވުމުގައި އިސްދައުރެއް އަދާކުރި ދެ މުވައްޒަފުންގެ އަގުވަޒަންކޮށްފިއެވެ.
11 މާރިޗު 2025 ވަނަ ދުވަހުގެ ރޭ ހިނގި މި ހާދިސާގައި އެންމެ މުހިންމު ދައުރެއް އަދާކުރީ ސީނަށް ފުރަތަމަ އިޖާބަދިން އެމްޕީއެލްގެ ސެކިއުރިޓީ ޑިޕާޓްމަންޓްގެ ދެ މުވައްޒަފުން ކަމަށްވާ މުޙައްމަދު އައިހަމް އަދި އަޙްމަދު އާތިފެވެ. މި ދެ މުވައްޒަފުންގެ ހިތްވަރާއި އަވަސް ހަރަކާތުގެ ސަބަބުން، އަލިފާންގަނޑު އިތުރަށް ފެތުރުނަ ނުދީ ކޮންޓްރޯލްކޮށް، ބޮޑު ގެއްލުމެއް ކުރިމަތިވުމުގެ ކުރިން އަލިފާން ނިއްވާލެވުނުކަމަށް އެމްޕީއެލުން ވަނީ ބުނެފައެވެ.
އެމްޕީއެލްގެ މެނޭޖްމަންޓުން މިއަދު މި ދެ މުވައްޒަފުންނާ ބައްދަލުކޮށް، އެ ދެ މުވައްޒަފުން ކުރި އަގުހުރި ޚިދުމަތަށް ކުންފުނީގެ މެނޭޖްމަންޓާއި މުވައްޒަފުންނާއި ޕޯޓް ރެސިޑަންސްގައި ދިރިއުޅެމުންދާ ހުރިހާ ފަރާތެއްގެ ނަމުގައި ޝުކުރު އަދާކޮށްފައެވެ.
މީގެ އިތުރުން، އަލިފާން ނިއްވުމުގައި އަމަލީ ގޮތުން ހަރަކާތްތެރިވި ޕޯޓް ހިޔާ ކޮމެޓީގެ މެމްބަރު ނަވާޒް މުޙައްމަދު ސައީދާއި އެހެން ހުރިހާ މުވައްޒަފުންގެ މަސައްކަތުގެ އަގުވެސް ވަޒަންކޮށް، ޝުކުރު އަދާކުރިއެވެ.
އެމްޕީއެލްގެ ފަރާތުން ބުނީ، ކުންފުނީގެ ހުރިހާ މުވައްޒަފުންނަކީވެސް މި ފަދަ ނަމޫނާ މުވައްޒަފުންނަށްވުމަށް ކުންފުނިން ހިތްވަރުދޭ ކަމަށެވެ.
ބުޅާތައް މާލޭންބޭލުންވަރައްބޭނުން އަވަސްކުރޭ