މޯލްޑިވްސް ޕޯޓްސް ލިމިޓެޑުން ކަނޑުގެ ސަލާމަތާއި ރައްކާތެރިކަމާ ގުޅޭ ތަމްރީން ޕްރޮގްރާމެއް ފަށައިފައެވެ.
ޕޯޓްސް އިން ބުނިގޮތުގައި މި ތަމްރީން ޕްރޮގްރާމަކީ ކަނޑުގެ ސަރަޙައްދުގައި ހިންގޭ އޮޕަރޭޝަންތަކުގެ ރައްކާތެރިކަން ކަށަވަރުކުރުމަށް ބޭނުންވާ މަޢުލޫމާތާއި ތައްޔާރީތައް އިތުރުކުރުމަށް އަމާޒުކޮށްގެން ކުރިއަށްގެންދާ ޕްރޮގްރާމެކެވެ.
ތިން ދުވަހުގެ މުއްދަތަކަށް ކުރިއަށްގެންދާ މި ތަމްރީން ޕްރޮގްރާމް ފެސިލިޓޭޓް ކޮށްދެއްވަނީ އިންޓަނޭޝަނަލް އޯޝަން އިންސްޓިޓިއުޓްގެ ލެކްޗަރަރ ޑރ. އަޒްމަތު ޖަލީލް އެވެ.
މި ތަމްރީން ޕްރޮގްރާމުގައި ކަނޑުގެ ސަލާމަތާއި ރައްކާތެރިކަމާ ގުޅޭ އެންމެ ޒަމާނީ މަޢުލޫމާތާއި، ބައިނަލްއަޤްވާމީ މިންގަނޑުތަކާއި، އަދި ކުއްލި ހާލަތްތަކުގައި ޢަމަލުކުރަންވީ ގޮތްތަކާ ބެހޭ މަޢުލޫމާތު ހިއްސާކުރެވޭނެ ކަމަށާއި، މި ތަމްރީން ޕްރޮގްރާމް ނިމުމުން، ބައިވެރިންނަށް ކަނޑުގެ ސަލާމަތާއި ރައްކާތެރިކަމާ ގުޅޭ މުހިންމު ހުނަރުތަކާއި މަޢުލޫމާތު ލިބި، އެކަންކަން ޢަމަލީ ގޮތުން ތަންފީޒުކުރުމުގެ ޤާބިލުކަން އިތުރުވެގެންދާނެ ކަމަށް ޕޯޓްސްއިން ބުނެއެވެ.