ކޮމިޝަނާ އޮފް ޕޮލިސް އަލީ ޝުޖާއު މަގާމުން އިސްތިއުފާ ދެއްވައިފިއެވެ.
ރައީސް އޮފީހުގެ ތަރުޖަމާން ހީނާ ވަލީދު ވިދާޅުވީ ކޮމިޝަނަރ އޮފް ޕޮލިސް އަލީ ޝުޖާއު މަަގާމުގެ އިސްތިއުފާ ހުށައެޅުއްވުމާ ގުޅިގެން ރައީސުލްޖުމްހޫރިއްޔާ އިސްތިއުފާ ގަބޫލުފުޅު ކުރައްވާފައިވާ ކަމަށެވެ.
ސީޕީ ޝުޖާއު މަގާމުން އިސްތިއުފާ ދެއްވަން ނިންމެވިއިރު، މިމަހުގެ 18 ވަނަ ދުވަހުގެ ހެނދުނުގެ ވަގުތެއްގައި ގެއެއްގެ ފުރާޅުމަތީގައި ވެއްޓިފައި އޮއްވާ ފެނުނު، ހައްވާ ޔުމްނުގެ ވެއްޓުނު ހާދިސާއާއި ގުޅިގެން އޭނާއަށް ވަނީ ފާޑުކިޔުންތައް އަމާޒުވެފައެވެ.
މިހާދިސާއާއި ގުޅިގެން ފުލުހުން ރަނގަޅު، ދެފުށް ފެންނަ ތަހުގީގެއް ނުހިންގާ ކަމަށް ބުނެ ޒުވާނުން އަންނަނީ މާލޭގައި ސިލްސިލާ މުޒާހަރާތަކެއް ކުރަމުންނެވެ.
ނުވަ ވަނަ ފަންގިފިލާއިން ވެއްޓި ޔުމްނުއަށް ބޮޑެތި އަނިޔާތަކެއް ލިބިފައިވާއިރު، ސަރުކާރުގެ އެހީތެރިކަމާއެކު އޭނާ މެލޭޝިއާއަށް ފޮނުވާލުމަށް ދަނީ ތައްޔާރުވަމުންނެވެ. އެގޮތުން އެންސްޕާގެ އެހީ ހަމަޖެހިފައިވާއިރު، ފްލައިޓެއް ޗާޓަރު ކުރުމުގެ މަސައްކަތް ދަނީ ކުރަމުންނެވެ.