މިއަހަރުގެ އެންމެ ރީތި ތާރީޚުތަކުގެ ތެރެއިން އެއް ތާރީޚުކަމަށްވާ މިއަދު (25-05-25) ގައި މާލޭގައި އެކަނިވެސް 59 ކައިވެނި ކުރުމަށް ހަމަޖެހިއްޖެއެވެ. މިއީ މިއަހަރުގެ ތެރޭގައި އެއްދުވަހެއްގައި ކުރެވޭ އެންމެ ގިނަ އަދަދެއްގެ ކައިވެނިކަމަށް ފެމިލީ ކޯޓުން ވަނީ ހާމަކޮށްފައެވެ.
ފެމިލީ ކޯޓުން ބުނިގޮތުގައި މިއަދުގެ ކައިވެނިތަކުގެ ތެރެއިން 23 ކައިވެނި ކުރިއަށްދާނީ ރަސްމީ ގަޑީގައެވެ. އަދި 36 ކައިވެނި ކުރިއަށްދާނީ ނުރަސްމީ ގަޑީގައެވެ.
މިހާ ގިނަ އަދަދެއްގެ ކައިވެނި އެއްދުވަހެއްގައި ކުރިއަށްދާތީ، ކޯޓަށް ޒިޔާރަތްކުރާ ފަރާތްތަކަށް ފަސޭހަވާނެ ގޮތަށް ކޯޓު ގޯތިތެރޭގައި ވަގުތީ ހިޔާ ހެދުމުގެ އިންތިޒާމު ވެސް ވަނީ ހަމަޖައްސާފައެވެ.
ކައިވެނީގެ މައްސަލަތަކުގެ އިތުރުން މިއަދު 22 ވަރީގެ މައްސަލައެއް ވެސް ކޯޓުގައި ބެލުމަށް ވަނީ ތާވަލުކޮށްފައެވެ. ފާއިތުވި ރީތި ތާރީޚު ތަކުގެ ތެރެއިން 2024 ވަނަ އަހަރުގެ ޑިސެމްބަރު 24 ވަނަ ދުވަހުވެސް 52 ކައިވެނި ވަނީ ކޮށްދީފައެވެ.