ލ. ކައްދޫގައި މިރޭ އިރާކޮޅު ހިނގި އެކްސިޑެންޓްގައި އަނިޔާވި 64 އަހަރު އަންހެން މީހާ ނިޔާވެއްޖެއެވެ.
ފުލުހުންގެ މީޑިއާ އޮފިޝަލު ވިދާޅުވީ، ލ ފޮނަދޫއިން ގަމަށް ގަމަށް ދަތުރުކުރި ސައިކަލު ލ ކައްދޫ އެއަރޕޯޓަށްދާން މަގު ހުރަސްކުރި ދެމީހެއްގެ ގައިގާ ޖެހި އެކްސިޑެންޓްވެފައިވާ މައްސަލަ މިރޭ 19:18 އެހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
މި އެކްސިޑެންޓްގައި، ޒިބްރާ ކުރޮސްއިން މަގު ހުރަސްކުރި 2 އަންހެނުންނަށާއި ސައިކަލުގައި ތިބި ދެމީހުންނަށް އަނިޔާވެގެން ގަންރީޖަނަލް ހޮސްޕިޓަލަށް ގެންގޮސްފައިވާ ކަމަށްވެސް ފުލުހުން ވިދާޅުވިއެވެ.
މި އެކްސިޑެންޓްގައި އަނިޔާވި އުމުރުން 64 އަހަރުގެ އަންހެންމީހާ ގަން ރީޖަނަލް ހޮސްޕިޓަލުގައި ފަރުވާދެމުންދަނިކޮށް ނިޔާވެފައިވާ ކަމަށް ހޮސްޕިޓަލާ ހަވާލާދީ ފުލުހުން ވިދާޅުވެފައިވެއެވެ.