އަވަށްޓެރި ސްރީލަންކާއަށް އަށް އެރި “ޑިޓްވާ” ތޫފާނުގައި ގިނަ ބަޔަކު ހާލުގައި ޖެހުމާ ގުޅިގެން ރާއްޖެ އިން ލަންކާއަށް 50،000 ޑޮލަރާއި 25،000 މަސް ދަޅު ކޭސް ހަދިޔާ ކުރަން ނިންމާފައިވާ ކަން ދިވެހި ސަރުކާރުން އިއުލާންކޮށްފިއެވެ.
ފޮރިން މިނިސްޓްރީން މިއަދު ނެރުނު ބަޔާނެއްގައި ބުނީ، ލަންކާގެ ރައްޔިތުންނަށް މި އެހީ ދިނުމަށް މި ނިންމީ، ‘ޑިޓްވާ’ ތޫފާން ގެ ސަބަބުން ލަންކާގެ އެކި ހިސާބުތަކަށް ބޯކޮށް ވާރޭވެހި އެ ގައުމުގެ ރައްޔިތުންނަށް ދިމާވެފައިވާ ގެއްލުންތަކާއި ދަތިތަކުން އަރައިގަތުމަށް އިންސާނީ އެހީ ފޯރުކޮށްދިނުމުގެ ގޮތުން ކަމަށެވެ.
“މި އެހީތެރިކަން ރަމްޒުކޮށްދެނީ ދެ ގައުމުގެ ދެމެދުގައި އޮތް ގާތް އެކުވެރި ގުޅުމާއި މިފަދަ އުނދަގޫ ދަނޑިވަޅެއްގައި އެ ގައުމުގެ ރައްޔިތުންނާއެކު ދިވެހި ރައްޔިތުން ތިބިކަމެވެ.” ފޮރިން މިނިސްޓްރީން ވިދާޅުވިއެވެ.
ތޫފާން ދިތުވާގެ ސަބަބުން ސްރީލަންކާގައި ހިނގި ފެންބޮޑުވުމާއި ބިންގަނޑު ކަނޑައިގެން ދިއުމުގެ ހާދިސާތަކުގައި މިހާތަނަށް 69 މީހަކު މަރުވެފައި ވާއިރު، މިހާތަނަށް 34 މީހަކު އެ ހާދިސާގައި ވަނީ ގެއްލިފަ އެވެ.
މި ގަދަ ވިއްސާރައިގައި ފެންބޮޑުވުމާ ގުޅިގެން އެ ގައުމުން މިހާރު ވަނީ ބައިނަލްއަގުވާމީ އެހީއަށް އެދިފައެވެ. ލަންކާ އިން މިކަމަށް ގޮވާލުމުން އެންމެ ފުރަތަމަ އެހީ ފޯރުކޮށްދިން ގައުމުތަކުގެ ތެރޭގައި އަވަށްޓެރި އިންޑިއާ ހިމެނެއެވެ.