ފައިޒާ ވެކްސިންގެ އިތުރު 100،620 ޑޯޒު އެމެރިކާއިން ރާއްޖެއަށް ދީފިއެވެ. ކޮވެކޮސް ފެސިލިޓީ މެދުވެރިކޮށް މިވެކްސިން ރާއްޖެއަށް ހަދިޔާކުރިއިރު މިއީ ކޮވިޑް19 އާއި ގުޅިގެން ވެކްސިން ދުނިޔެއަށް ފޯރުކޮށްދިނުމަށް ހަދާފައިވާ ފެސިލިޓީއެކެވެ.
އެމެރިކާ އެމްބަސީ މިޝަންއިން ނެރުނު ބަޔާނެއްގައި ބުނެފައިވަނީ ވެކްސިންގެ އިތުރުންވެސް ޔޫއެސް އެއިޑް މެދުވެރިކޮށް ސިއްހީ ދާއިރާގެ އެކި ކަންކަމަށް ރާއްޖެއަށް އަބަދުވެސް ދަނީ އެހީ ފޯރުކޮށްދެމުން ކަމަށެވެ.
އެބަޔާނުގައި ބުނެފައިވަނީ ދުނިޔޭގެ އެކި ގައުމުތަކަށް އެމެރިކާއިން ދަނީ ވެކްސިން ހަދިޔާކުރަމުންނެވެ. އެގޮތުން މިއަހަރުގެ ޖެނުއަރީ މަހުވެސް ވަނީ 439،920 ވެކްސިން ރާއްޖެއަށް ހަދިޔާކޮށްފައެވެ.