އެއްޖިންސުން ގުޅުން ހިންގާ މީހުންގެ ޕާސްޕޯޓު ހިފަހައްޓާލުމަކުން ނުފުދޭ ކަމަށް އައްޝައިހު އަލީ ޒައިދު ވިދާޅުވެއްޖެއެވެ.
އެއްޖިންސުން ގުޅުން ހިންގާ ވީޑިއޯތަކެއް ލީކުވެފައިވާ ދަނޑިވަޅެއްގައި މި ވީޑިއޯތަކުން ފެންނަ ކަމަށް ތުހުމަތު ކުރާ ބައެއް ސިޔާސީ ފަރާތްތަކުގެ ޕާސްޕޯޓު ފުލުހުން ދަނީ ހިފަހައްޓަމުންނެވެ.
އަލީ ޒައިދު މިރޭ ކުރެއްވި ޓުވީޓެއްގައި ވިދާޅުވީ، އެއްޖިންސުން ގުޅުން ހިންގާ މީހުން ހިފާ ހައްޔަރުކޮށް ބޮޑެތި ފިޔަވަޅު އަޅަންޖެހޭ ކަމަށެވެ. އަދި الله ގެ ދީނުގެ އަސާސްތައް ނެގެހެއްޓުމަށް ޝެއިހު ޒައިދު ވަނީ އިލްތިމާސްކޮށްފައެވެ.
ޝެއިހު ޒައިދުގެ ޓުވީޓް ނިންމާލަމުން ވަނީ ހައްޔަރު ކުރަންޖެހޭމީހުން ދޫކޮށްފައި ދޫކުރަންޖެހޭ މީހުން ހައްޔަރު ކޮށްފައި މިވަނީ ކިހިނެއްތޯ ސުވާލު ކުރައްވާފައެވެ.
ލީކުވެފައިވާ ވީޑިއޯތަކުން ފެންނަ މީހުން ޔަގީންވާއިރު އެމީހުން އަދިވެސް ހައްޔަރު ނުކޮށް ތިބުމުން ގިނަ ބަޔަކު ދަނީ ސަރުކާރަށް ފާޑުކިޔަމުންނެވެ.