ކ އަތޮޅު ރަށެއްގައި 14 އަހަރުގެ އަންހެން ކުއްޖަކަށް ޖިންސީ ގޯނާ ކުރި ކަމަށް ބުނާ މީހަކަށް ރައްޔިތުން ނިކުމެ އަނިޔާކޮށްފިއެވެ.
ފުލުހުން ބުނީ ކ އަތޮޅުގެ ރަށެއްގައި 14 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއް މިއަދު 18:30 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި މިމައްސަލާގައި ތުހުމަތު ކުރެވޭ މީހާއަށް ބަޔަކު އަނިޔާ ކުރާތީ އެކަން ހުއްޓުވުމަށް ހަރަކާތްތެރިވި ފުލުހުންނަށް ހަމަލާ ދިނުމުގެ ސަބަބުން ބައެއް ފުލުހުންނަށް އަނިޔާވެފައިވާ ކަމަށެވެ.
މީގެ އިތުރުން މައްސަލާގައި ތުހުމަތު ކުރެވޭ މީހާއަށްވެސް ހަމަލާ ދިނުމުގެ ސަބަބުން އެކިވަރުގެ އަނިޔާ ލިބިފައިވާ ކަމަށް ފުލުހުން ހާމަކުރެއެވެ.
ކުޑަކުއްޖަކަށް ޖިންސީ ގޯނާ ކުރުމުގެ އިތުރުން ފުލުހުންނަށާއި ތުހުމަތު ކުރެވޭ މީހާއަށް ހަމަލާދީފައިވާ މައްސަލަ ފުލުހުން ތަހުގީގު ކުރަމުން އަންނަ ކަމަށްވެސް ބުނެފައިވެއެވެ.
މައުލޫމާތުލިބިފައިވާ ގޮތުގައި ކުޑަކުއްޖާއަށް ޖިންސީ ގޯނާ ކުރިކަމުގެ ތުހުމަތުވާ މީހާ އަށް ދިއްފުށީ ރައްޔިތުން ނިކުމެ އަނިޔާކޮށް ވަނީ އޮރިޔާން ކޮށްފައެވެ.