މ. ދިއްގަރު އަދި ތ. ގާދިއްފުށި ލޯކަލް ކައުންސިލް ބައި-އިލެކްޝަންގެ ވޯޓުލުން މިއަދު 08:00 އިން ފެށިގެން 16:00އާ ހަމައަށް ކުރިއަށް ދާއިރު މިހާތަނަށް ވޯޓުލީ 300 މީހުން ކަމަށް އިލެކްޝަންސް ކޮމިޝަނުން ބުނެފިއެވެ.
އިލެކްޝަންސް ކޮމިޝަނުން ބުނީ މި އިންތިހާބުގައި ވޯޓުލުމުގެ ހައްގު ލިބިފައިވާ 1537 މީހުން އެބަތިބި ކަމަށެވެ.
މީގެ ތެރޭގައި ހިމެނެނީ މ ދިއްގަރުގައި ބެހެއްޓިފައިވާ ވޯޓު ފޮއްޓަށް ވޯޓުލާން ޖެހޭ 733 މީހުންނާއި ތ ގާދިއްފުށީގައި ބެހެއްޓިފައިވާ ފޮއްޓަށް ވޯޓުލާ 218 މީހުންގެ އިތުރުން މާލޭ އިއްޒުންދީން ސްކޫލްގައި ބެހެއްޓިފައިވާ ފޮއްޓަށް ވޯޓުލާ 586 މީހުންނެވެ.
އީސީން ވަނީ ވީހާވެސް ގިނަ ބަޔަކު ވޯޓްލާން ދިއުމަށް އިލްތިމާސްކޮށްފައެވެ.