އަނިޔާވެރި މަރުގެ ފޮޓޯތަކެއް ލީކުވެފައިވީނަމަވެސް އެ ފޮޓޯ ތަކަކީ ފުލުހުންގެ ތަހުގީގަށް ނަގައި، ތަހުގީގުގައި ބޭނުންކުރަމުން ގެންދާ ފޮޓޯތަކެއް ނޫން ކަމަށް ފުލުހުން ބުނެފިއެވެ.
މާލޭ ގެއެއްގެ ތެރޭގައި އަނިޔާވެރިކޮށް މަރާލާފައި އޮތްވާ ފެނުނު ޝިއާގެ ހަށިގަނޑަށްދީފައިވާ ޒަހަމްތަކާއި އެފަދަ އެއްވެސް ފޮޓޯއެއް ހިއްސާ ނުކުރުމަށް އާއިލާއިން ވަނީ ފުލުހުންގެ އިދާރާގައި އެދިފައެވެ.
ޝިއާއުގެ ހަށިގަނޑުގެ ފޮޓޯތަކެއް މީސްމީޑިއާގެ އެކި ޕްލެޓްފޯމްތަކުގައި ދައުރުވަމުންދާއިރު އެ ފޮޓޯތަކަކީ ފުލުހުންގެ ތެރެއިން ލީކުވެފައިވާ ފޮޓޯތަކެއް ކަމަށް ބައެއް މީޑިއާތަކުން ބުނި ނަމަވެސް، އެފަދަ އެއްވެސް ފޮޓޯއެއް ފުލުހުންގެ ތެރެއިން ލީކުވެފައިވާކަމަށް ނުބެލެވޭ ކަމަށް ފުލުހުން ހާމަކުރެއެވެ.
ނަމަވެސް މިއަދު ސޯޝަލް މީޑިއާގައި ބައެއް ފޮޓޯތައް ދައުރުވަމުންދާތީ ފުލުހުން ބުނީ ކުށުގެ ވެއްޓަށް ވަދެފައިވާ އެއްވެސް ފަރާތަކުން އެފަދަ ފޮޓޯއެއް ނަގައި، ލީކު ކޮށްފައިވޭތޯ އެ ޚިދުމަތުން އިތުރަށް ގެންދަނީ ބަލަމުން ކަމަށެވެ.
އަދި އެ ފޮޓޯ ތަކަކީ އަނިޔާވެރިކަން ފެންނަ، ގިނަ ބަޔަކަށް އެކަމުން އަސަރު ކުރުވާނެފަދަ ފޮޓޯތަކަކަށް ވުމާއެކު، އެކަކު އަނެކަކަށް އެ ފޮޓޯތައް ފޮނުވައި އެކި ވަސީލަތްތައް މެދުވެރިކޮށް ދައުރު ނުކުރުމަށް ފުލުހުން އެދިފައިވެއެވެ.
.