ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ބަރުލަމާނީ މަޝްވަރާއަށް ދިޔައިރު ޕާޓީ ޖަގަހައިގާ ސަޕޯޓަރަކު ނެތް ވީޑިއޯއެއް އާއްމުވެއްޖެއެވެ.
ސޯޝަލް މީޑިއާގައި ދައުރުވަމުންދާ ވީޑިއޯގައި ނަޝީދު ޕާޓީ ޖަގަހައަށް ގޮސް ވަންނައިރު އެތަނުގައި ތިބެނީ ސެކިއުރިޓީ ބެލެހެއްޓުމަށް ތިބޭ ސިފައިން އެކަންޏެވެ. ދެން ނަޝީދުގެ އަރިހުގައި ޖަގަހައަށް ގޮސް ވަންނަ ދެތިން މީހެކެވެ.
ރޭވެސް ނަޝީދު ވަނީ ބަރުލަމާނީ މަޝްވަރާ ބައްދަލުވުމެއް ބާއްވާފައެވެ. އަދި ވިދާޅުވެފައިވަނީ ބަރުލަމާނީ ނިޒާމަށް ބަދަލު ކުރުމަށް ތާއީދު ނުލިބިއްޖެނަމަ 2023 ގެ ރިޔާސީ އިންތިހާބުގައި ރައީސް ސޯލިހަށް އެމްޑީޕީގެ 42 އިންސައްތަ މެންބަރުން ވޯޓު ނުދޭނެ ކަމަށެވެ.