މިއަދު ހެނދުނު ރާއްޖެއަށް ބިންހެލުމެއްގެ އަސަރުކޮށްފައިވާ ކަމަށް މޫސުމާ ބެހޭ ގައުމީ އިދާރާއިން ހާމަކޮށްފިއެވެ.
މޫސުމާބެހޭ ޤައުމީ އިދާރާ އިން ބުނީ މިއަދު ހެނދުނު 8:29 ގައި އިންޑޮނޭޝިއާގެ ސުމަތުރާއަށް ބިންހެލުމެއް އައިސްފައިވާ ކަމަށާއި، އެބިންހެލުމުގެ އަސަރު ރާއްޖެއަށްވެސް އިހުސާސްކުރެވުނު ކަމަށެވެ.
މިބިންހެލުމުގެ ސަބަބުން ސުނާމީއެއް އުފެދޭނެކަމަށް ނުބެލެވޭ ކަމަށް ވެސް މޫސުމާބެހޭ ޤައުމީ އިދާރާ އިން ހާމަކުރެއެވެ.
ސޯސަން މަގުން ހެލްތު މިނިސްޓްރީގެ އިމާރާތް ހުންނަ ސަރަހައްދަށް މިއަދު ހެނދުނު ލޮޅުމެއްގެ އަސަރު ކުރުމާ ގުޅިގެން އެ ހިސާބުގެ ބައެއް އިމާރާތްތަކުން މީހުން ހުސްކޮށްފައިވެސްވެއެވެ.