މަގުމަތި ބަލަހައްޓަމުންދިޔަ ތިން ފުލުހަކަށް ހަމަލާދީ ޒަހަމްކޮށްލައިފިއެވެ.
ފުލުހުން ބުނީ ތިން ފުލުހަކަށް ހަމަލާ ދިން މައްސަލައަކާ ގުޅިގެން ދެ މީހަކު މިއަދު 11:50 އެހާއިރު ހައްޔަރުކޮށްފައިވާ ކަމަށެވެ.
އަނިޔާވި ފުލުހުންނަށް ދަނީ އޭޑީކޭ ހޮސްޕިޓަލުގައި ފަރުވާ ދެމުން ކަމަށާއި ތިން ފުލުހުންނަށް ވެސް އެކިވަރުގެ އަނިޔާވެފައިވާ ކަމަށް ފުލުހުން ހާމަކުރެއެވެ.
މިމައްސަލަ ފުލުހުން ދަނީ ތަހުގީގު ކުރަމުން ކަމަށް ބުނެފައިވާއިރު ފުލުހުންނަށް ހަމަލާ ދިން ސަބަބެއް އަދި ހަމަލާ ދިން މީހުންގެ ވަނަވަރުވެސް އަދި ހާމަކޮށްފައެއް ނުވެއެވެ.