ވިލިމާލެ އާއި ދިމާލުން ބޭރުގައި އޮތް ސަބްމެރިން އެއްގެ 4 ގޭސް ސިލިންޑަރު ގޮވައިގެން ފުލުހުން ހަރަކާތްތެރިވާން ފަށައިފިއެވެ.
ފުލުހުން ބުނީ ވިލިމާލެ އާއި ދިމާލުން ބާރު އަޑެއް ގޮވި ކަމަށް މާފަންނު ފުލުހުން އަދި އައިޖީއެމްއެޗް ޑިއުޓީގައި ހަރަކާތްތެރިވާ ސްޕެޝަލް ކޮންސްޓަބްލަރީ ކޮންސްޓްބަލުން މިރޭ 21:10 އެހާއިރު ރިޕޯޓްކޮށްފައިވާ ކަމަށެވެ.
އެގޮތުން ފުލުހުން އިތުރަށް ބެލިބެލުމުން އެނގުނީ އެދިމާ ބޭރުގައި އޮތް ސަބްމެރިންގެ 4 ގޭސް ސިލިންޑަރު ގޮވާފައިވާކަން ކަމަށް ފުލުހުން ހާމަކުރެއެވެ.
އަދި އެސަރަހައްދުގައި ފުލުހުބް ހަރަކާތްތެރިވަމުންދާ ކަމަށްވެސް ބުނެފައިވެއެވެ.
ފުލުހުން ބުނީ މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށެވެ.