މިދިޔަ ހުކުރު ދުވަހު މަގުމަތިން ތިން ފުލުހަކަށް ހަމަލާދިން މައްސަލާގެ ތުހުމަތުގައި ރޭ ހައްޔަރު ކުރި ހަ މީހުން ތަހުގީގު ނިމެންދެން ބަންދު ކޮށްފިއެވެ.
ގޭންގެއްގެ ބަޔަކު ދިން މި ހަމަލާގައި ތިން ފުލުހުންނަށް އެކިވަރުގެ އަނިޔާ ލިބި އޭޑީކޭ ހޮސްޕިޓަލުން ފަރުވާދީފައިވެއެވެ.
ފުލުހުން ބުނީ މި މައްސަލައާ ގުޅިގެން ކޯޓު އަމުރެއްގެ ދަށުން ރޭ ހައްޔަރުކޮށްފައިވަނީ 18 އަހަރުގެ މީހަކާއި 19 އަހަރުގެ މީހަކާއި 20 އަހަރުގެ ތިން މީހުންގެ އިތުރުން 21 އަހަރުގެ މީހެއް ކަމަށެވެ.
މި ހަމީހުން މިއަދު ކުރިމިނަލް ކޯޓަށް ހާޒިރު ކުރުމުން 18 އަހަރުގެ މީހާ އާއި 19 އަހަރުގެ މީހާ އާއި 20 އަހަރުގެ ދެ މީހުނާއި 21 އަހަރުގެ މީހާ ތަހުގީގު ނިމެންދެން ބަންދުކޮށްފައިވާ ކަމަށެވެ.
އަދި 20 އަހަރުގެ އެކަކުގެ ބަންދަށް 30 ދުވަސް ދީފައިވެއެވެ.
ފުލުހުންނަށް ހަމަލާ ދިން މައްސަލާގައި މިހާތަނަށް 10 މީހުން ވަނީ ހައްޔަރުކޮށްފައެވެ.