ފުލުހުން ބުނީ މާލޭގެ ގެއެއްގެ ތެރޭގައި ހިނގި ހަމަނުޖެހުމެއްގެ މައްސަލަ ހުކުރު ދުވަހު ހަވީރު 16:20 އެހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި މި ހަމަނުޖެހުން ހިނގާފައިވަނީ އާއިލާއެއްގެ ތެރޭގައި ހިނގި ދެބަސްވުމެއްގެ ތެރެއިން ކަމަށް މިހާތަނަށް ބެލިބެލުމުން އެނގިފައިވާ ކަމަށްވެސް ފުލުހުން ހާމަކުރެއެވެ.
މި ހަމަނުޖެހުމުގެ ތެރޭގައި އެއްޗަކުން ބޮލުގައި ޖެހުމުގެ ސަބަބުން ދިވެހި ފިރިހެނެއްގެ ބޯ ފަޅައިގެން ގޮސް އައިޖީީއެމް ހޮސްޕިޓަލުން ފަރުވާ ހޯދާފައިވާ ކަމަށްވެސް ފުލުހުން ހާމަކުރެއެވެ.
މިމައްސަލަ ފުލުހުން ތަހުގީގު ކުރަމުންދާ ކަމަށްވެސް ބުނެފައިވެއެވެ.
