ޑެންގީހުން ޖެހިގެން މިއަދު ނިޔާވި 8 އަހަރުގެ ކުއްޖާގެ ކަށު ނަމާދު މިއަދި އަސުރު ނަމާދުގެ ފަހުގައި މަސްޖިދުއް ތައުވާން (އާސަހަރާ މިސްކިތުގައި) އޮންނާނެއެވެ.
ޑެންގީ ހުން ޖެހިގެން އައިޖީއެމް ހޮސްޕިޓަލުގައި ފަރުވާ ދެމުންދަނިކޮށް ނިޔާވީ ރ ކަނދޮޅުދޫ، ޝާދީވިލާ، އައިމިނަތު ހަޔާ ހުސެއިންނެވެ.
ވަގުތު އޮންލައިންއަށް މައުލޫމާތު ދެއްވަމުން އައިޖީއެމްއެޗްގެ ކުޑަކުދިންގެ ހާއްސަ ޑޮކްޓަރު އަހުމަދު ފައިސަލް ވިދާޅުވީ ރ. އަތޮޅުން ޑެންގީ ހުން ޖެހިގެން ހާލު ސީރިއަސް ވެގެން އައިޖީއެމްއެޗްއަށް ގެނައި ކުޑަ ކުއްޖަކު މިއަދު ހެނދުނު ނިޔާވެފައިވާ ކަމަށެވެ.