ހުޅުމާލެ ފޭސް ދެއަކުން ގެއްލިގެން ހޯދަމުންދަނިކޮށް މަރުވެ ކުނިވެފައިއޮއްވާ ފެނުނު މުޙައްމަދު އަޒްހާންއަށް ބޮޑު އަނިޔާއެއް ލިބިފައިވާކަން ޕޯސްޓުމޯޓަމް ރިޕޯޓުން ނުދައްކާ ކަމަށް ފުލުހުން ބުނެފިއެވެ.
ފުލުހުންގެ ނޫސްވެރިންގެ ބައްދަލުވުމުގައި ބުނެފައިވަނީ އަަޒްހާންގެ ހަށިގަނޑު ފެނުނުއިރު ވެސް ގިނަ ދުވަސްވުމުން ކުނިވެ ހާލުވެފައިވުން ފިޔަވައި އޭނާގެ ހަށިގަނޑަށް މީހަކު ދީފައިވާ ބޮޑެތި އަނިޔާތަކެއް ޕޯސްޓުމޯޓަމްގެ ވަގުތީ ނަތީޖާއިން ފާހަގަވެފައި ނުވާކަމަށެވެ.
އަޒްހާންގެ ހަށިގަނޑުގެ ޕޯސްޓްމޯޓަމް ހަދަން އިންޑިއާ އަށް ގެންދިޔައީ މިމަހުގެ އަށްވަނަ ދުވަހުއެވެ.
އަޒުހާންގެ ޕޯސްޓްމޯޓަމްގެ ނަތީޖާވެސް ލިބުމުގައި ދެމަހެއްހާ ދުވަސް ހޭދަވާނެކަން އަންގާފައިވާ ކަމަށް ފުލުހުން ހާމަކުރިއެވެ.