މި ސަރުކާރުން ގާނޫނާ ހިލާފަށް ކޮށްފައިވާ އެއްވެސް ކަމަކަށް، ހަދާފައިވާ އެއްވެސް އެއްވެސް އެގްރީމަންޓަކަށް ޕީޕީއެމް އަދި ޕީއެންސީއަކުވެސް އިހުތިރާމު ނުކުރާނެ ކަމަށް ކުރީގެ ރައީސް އަބްދުالله ޔާމީން ވިދާޅުވެއްޖެއެވެ.
ޕީޕީއެމް އޮފީހުގައި މިރޭ ބޭއްވި ޖަލްސާގައި ވާހަކަފުޅު ދައްކަވަމުން ޕީޕީއެމްގެ ރިޔާސީ ކެންޑިޑޭޓް ރައީސް ޔާމީން ވިދާޅުވީ، ގާނޫނު އަސާސީ އާއި ހިލަފަށް މޮރީޝަސް މައްސަލާގައި މި ސަރުކާރުން ކޮށްފައިވާ އެއްވެސް ކަމަކަށް އެމަނިކުފާނު ވެރިކަމަށް އައިސްފިނަމަ އިހުތިރާމު ނުކުރާނެ ކަމަށެވެ.
އިތުރަށް ވާހަކަފުޅު ދައްކަވަމުން ރައީސް ޔާމީން ވިދާޅުވީ، ބަޖެޓްގައި ބޮޑު އަދަދު ޖެހިޔަސް އެއީ ހުރި ފައިސާއެއް ނޫން ކަމަށެވެ.
“ 2023 ގައި ސަރުކާރަށް އާމްދަނީ ލިބެން ފަށާނީ އެޕްރީލް މަހު” ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ، ގާނޫނު އަސާސީގައިވާ ގޮތުން ސެޕްޓެމްބަރު މަހު ދިވެހިރައްޔިތުން ހޮވާ ރައީސަކު ހުންނާނެ ކަމަށާއި ހަތަރު މަސް ދުވަހުގެ ތެރޭގައި ނިންމޭނީ ކޮންއެޗެއްތޯ ރައީސް ޔާމީން ވަނީ ސުވާލުކުރައްވާފައެވެ.