ބ އަތޮޅު ރިސޯޓެއްގައި މަސައްކަތްކުރާ މޮރޮކޯ އަންހެނަކު ބަގީ އާއެކު މޫދަށް ވެއްޓިގެން އޭޑީކޭގައި ފަރުވައިދޭން ފަށައިފިއެވެ.
ފުލުހުން ބުނީ ބ އަތޮޅު ރިސޯޓެއްގައި މަސައްކަތްކުރާ މުވައްޒަފަކު އެ ރިސޯޓްގެ ޖެޓީ މަތިން ބަގީ ދުއްވުމުގެ ތެރޭގައި ބަގީއާއެކު މޫދަށް ވެއްޓިފައިވާ ކަމަށް އޮކްޓޯބަރ މަހުގެ 30 ވަނަ ދުވަހު 23:10 އެހާކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
މިހާދިސާގައި އަނިޔާ ލިބުނު މީހާއަށް އޭޑީކޭ ހޮސްޕިޓަލުގައި ދަނީ ފަރުވާދެމުން ކަމަށާއި އަނިޔާލިބިފައިވަނީ 26 އަހަރުގެ މޮރޮކޯ އަންހެނަކަށް ކަމަށް ފުލުހުން ހާމަކުރެއެވެ.