މިއަދު ބޭއްވި ނ މަގޫދޫ އަދި ލ ކަލައިދޫ ބައި- އިލެކްޝަންވެސް އިދިކޮޅު ޕީޕީއެމުން ކާމިޔާބުކޮށްފިއެވެ.
މިއަދު ބާއްވާފައިވަނީ ނ މަގޫދޫ ކައުންސިލަށް އަންހެން މެންބަރަކު ހޮވުމަށް ބޭއްވި އިންތިހާބެވެ. މި އިންތިހާބުގައި އެމްޑީޕީގެ ކެންޑިޑޭޓު ފަރީދާ އަށް 115 ވޯޓު ލިބުނުއިރު އިންތިހާބު ކާމިޔާބު ކުރި ޕީޕީއެމްގެ ކެންޑިޑޭޓު ޔުމުނާ އަށް ލިބުނީ 124 ވޯޓެވެ.
ލ ކަލައިދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެންބަރަކު ހޮވަން ބޭއްވި އިންތިހާބުގައި އެމްޑީޕީގެ ކެންޑިޑޭޓަށް ލިބުނީ 192 ވޯޓެވެ. ޕީޕީއެމްގެ ކެންޑިޑޭޓަށް ލިބުނީ 197 ވޯޓެވެ.
