ރޭ މާލެ ސިޓީގައި ހިނގި އަލިފާނުގެ ހާދިސާއެއްގައި 10 މީހަކު މަރުވެ އިތުރު މީހަކު ކްރިޓިކަލް ހާލަތުގައި އޮތް ކަމަަށް ފުލުހުން ބުނެފިއެވެ.
އެގޮތުން އިސްކަންދަރު މަގާ ކޯރުކެނޑިމަގު ގުޅޭ ކަންމަތީ ހުރި ގަރާޖެއްގައި ރޯވި އަލިފާނުގެ ހާދިސާގައި އައިޖީއެމްއެޗަށް ގެންދިޔަ މީހުންގެ ތެރެއިން އެކަކު ވަނީ ނިޔާވެފައި ކަމަށެވެ.
އަދި އަނެއް މީހާގެ ހާލަ ކްރިޓިކަލް ކަމަށް ފުލުހުން ހާމަކުރެއެވެ.
ފުލުހުން ބުނީ މިހާދިސާގައި ޖުމުލަ 10 މީހުން މަރުވެފައިވާ ކަމަށާއި 14 މީހަކު ސަލާމަތްކޮށްފައިވާ ކަމަށެވެ.
މިވަގުތުވެސް ސިފައިންނާއި ފުލުހުން ދަނީ ސީންގައި ހަރަކާތްތެރިވަމުންނެވެ.