ފުލުހުންނާއި ސިފައިން ކުރިއަށް ގެންދާ ކައުންޓަރ ޓެރަރިޒަމް އޮޕަރޭޝަންގައި މިހާތަނަށް 13 މީހުން ހައްޔަރުކޮށްފައިވާ ކަމަށް ފުލުހުން ބުނެފިއެވެ.
ނޫސްވެރިންނަށް މައުލޫމާތުދެމުން ފުލުހުން ބުނީ، ދިވެހި ފުލުހުންގެ ހިދުމަތާއި މޯލްޑިވްސް ނެޝަނަލް ޑިފެންސް ފޯސް ގުޅިގެން ކައުންޓަރ ޓެރަރިޒަމް އޮޕަރޭޝުގައި އައްޑޫ ސިޓީން 9 މީހަކާއި މާލެއިން 2 މީހަކާއި ކ ގުރައިދޫއިން ދެ މީހަކު ހައްޔަރުކޮށްފައިވާ ކަމަށެވެ.
މި އެންމެނަކީވެސް ދިވެހި ފިރިހެނުން ކަމަށާއި މި އޮޕަރޭޝަން އަދިވެސް ދަނީ ކުރިއަށް ކަމަށް ފުލުހުން ހާމަކުރެއެވެ.