13 ކިލޯގެ މަސްތުވާތަކެއްޗާ ގިނަ އަދަދެއްގެ ފައިސާ މާލެއިން އަތުލައިގެންފައިވާ ކަމަށް ފުލުހުން ބުނެފިއެވެ.
ކޮމިޝަނަރ އޮފް ޕޮލިސް މުހައްމަދު ހަމީދު ކުރެއްވި ޓުވީޓެއްގައި ވިދާޅުވީ، މި ތަކެތި ހޯދާފައިވަނީ މާލޭގެ ދެ ގެ އަކާއި ހުޅުމާލޭގައި ހިންގާ ގެސްޓްހައުސްއެއް ބަލައި ފާސްކުރުމަށްފަހު ކަމަށެވެ.
ފުލުހުންގެ ކައުންޓާ ނާކޮޓިކްސް އިންޓެލިޖެންސް އަދި ޑްރަގު އެންފޯސްމަންޓް ޑިޕާޓްމަންޓް(ޑީއީޑީ) ގުޅިގެން ހިންގި އޮޕަރޭޝަންގައި ފުލުހުން އަތުލައިގަތީ 13.56 ކިލޯގެ ޑްރަގާއި 644،020 ރުފިޔާއެވެ.
ސީޕީ ވިދާޅުވީ މަސްތުވާތަކެއްޗާއި ދެކޮޅަށް ކުރިއަަށް ގެންދާ އޮޕަރޭޝަންތައް ހުއްޓާނުލާ ކުރިއަށް ގެންދާނެ ކަމަށެވެ.
ސީޕީ ވަނީ މަސްތުވާތަކެއްޗާ ދެކޮޅަށް ކުރިއަށް ގެންދާ އޮޕަރޭޝަންތައް ކުރިއަށް ގެންދާނެ ކަމުގެ ޔަގީންކަން ދެއްވާފައެވެ.