ހުޅުމާލެ ހައިވޭ ކައިރިން ކާރެއް ފުރޮޅާލައި 45 އަހަރުގެ ދިވެހި ފިރިހެނަކަށް އަނިޔާވެއްޖެއެވެ.
ފުލުހުން ބުނީ ހުޅުމާލެ އެމްޑަބްލިއުއެސްސީ އާއި ދިމާ ހައިވޭ ކައިރިން ކާރެއް ފޮރޮޅާލައި އެކްސިޑެންޓެއް ހިނގާފައިވާ ކަމުގެ މައުލޫމާތު މިރޭ 22:30 އެހާކަންހާއިރު ފުލުހުންނަށް ލިބިފައިވާ ކަމަށެވެ.
އަދި ފުލުހުން ސީންއަށް ދިޔައިރު ކާރު ދުއްވަން އިން 45 އަހަރުގެ ދިވެހި ފިރިހެނަކަށް އަނިޔާވެގެން ހޮސްޕިޓަލަށް ގެންގޮސްފައިވާ ކަމަށެވެ.
މި އެކްސިޑެންޓާއި ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުން ކަމަށް ބުނެފައިވެއެވެ.