ނިޝާމާގެ މަރުގެ ތުހުމަތަށް ހައްޔަރު ކޮށްފައި ހުއްޓައި ދަންޖެހިގެން ހޮސްޕިޓަލުގައި ފަރުވާދެމުން ދަނިކޮށް މަރުވި އަބޫބަކުރު ފައިސަލްގެ ހަށިގަނޑު މާލެ ގެނެސް އާއިލާ އާއި ހަވާލުކޮށްފިއެވެ.
ފައިސަލް މަރުވެފައިވަނީ އޭނާ ހައްޔަރުކޮށްފައި ހުއްޓާ ދަންޖެހުމުގެ ސަބަބުން ވެންޓިލޭޓަރުގައި ފަރުވާދެމުން ދަނިކޮށެވެ.
ފުލުހުން ބުނީ ކުޅުދުއްފުށީ ރީޖަނަލް ހޮސްޕިޓަލުގައި ފަރުވާދެމުންދިޔަ އަބޫބަކުރު ފައިސަލް ހޯމަ ދުވަހު 8:28ގައި މަރުވެފައިވާ ކަމަށް ހޮސްޕިޓަލުން މައުލޫމާތުދީފައިވާ ކަމަށެވެ.
އުމުރުން 28 އަހަރުގެ ނިޝާމާގެ މަރާއި ގުޅިގެން އޭނާގެ ފިރިމީހާއަށް މަރުގެ ތުހުމަތު ކުރެވެނީ އެހާދިސާ ހިނގާދިޔައިރު އެގޭގައި އޭނާ އެކަނި ހުރުމާއި، އަދި ނިޝާމާ މަރުވެފައި އޮތްއިރު ކަރުގައި ޒަޚަމްތަކެއް ހުރުމުންނެވެ.