އެންމެ ބޮޑެތި ވަގުންތިބީ ގޭގައި ކަމަށް ކުރީގެ ޕްރޮސެކިއުޓަރ ޖެނެރަލް އަހުމަދު މުއިއްޒު ވިދާޅުވެއްޖެއެވެ.
މުއިއްޒު ކުރެއްވި ޓުވީޓެއްގައި ވިދާޅުވީ، އެންމެ ބޮޑެތި ވަގުން ގޭގައި ތިބިއިރު އަނެއް ބަޔަކު ތިބީ ރާއްޖެއިން ބޭރުގައި ކަމަށެވެ.
މުއިއްޒު މިގޮތަށް ޓުވީޓު ކުރައްވާފައިވަނީ އާއްމު ފަރާތަކުން ކޮށްފައިވާ ޓުވީޓެއް ރިޓުވީޓް ކުރައްވަމުންނެވެ. އެގޮތުން ޝާޒުވަލީދު ކިޔާ މީހަކު ކޮށްފައިވާ ޓުވީޓުގައި ބުނެފައިވަނީ ބަޔަކު ހެއްވާލާފިއެވެ. އަނެއްބަޔަކު ރޮއްވާލާފިއެވެ. އިންސާފަކީ އެއިރެއްގެ ވެރިކަމުގައި ހުންނަ ވެރިޔަކު މިނެކިރާ ބަހާ އެއްޗެއް ކަން ޔަގީންތާއެވެ. ވަގުން މިނިވަންކަން މަތީ ރައްޔިތުން މަޖްލީހުގައި ތިބިކަމައް ބުނާނަމަ އިންސާފަކީ ކޮބާބާއެވެ!!
ބެލެވޭ ގޮތުގައި މި ޓުވީޓް އަމާޒުކޮށްފައިވަނީ އާދިއްތަ ދުވަހު ކުރިމިނަލް ކޯޓުން ރައީސް ޔާމީނު މައްޗަށް ކުރި 11 އަހަރުގެ ޖަލު ހުކުމާއި ގުޅިގެންނެވެ.
