“ އަވަހަށް ހިތާނުކޮށްލާ، ފަހުންވެސް ޕާޓީބޭއްވިދާނެ “ މިއީ ކުޑަކުދިންގެ ހާއްސަ ޑޮކްޓަރު އަހުމަދު ފައިސަލް ވިދާޅުވެފައިވާ ބަސްފުޅެކެވެ.
ފިރިހެން ކުދިން ހިތާނުކުރުމާއި ގުޅޭ ގޮތުން ޑރ ފައިސަލް ވިދާޅުވީ، ފިރިހެން ކުދިން ހިތާނުކުރުމުން ކުޑަކަމުދާ ނިޒާމުގައި ޖަރާސީމު އަށަގަތުން މަދުކޮށް އެބައިގެ ކެންސަރުން ރައްކާތެރިކޮށްދޭ ކަމަށެވެ.
އަދި އެޗްްއައިވީ ފަދަ ޖިންސީގުޅުމުން ފެތުރޭ ބަލިތަކުންވެސް ފިރިހެން ކުދިން ހިތާނުކުރުމުން ރައްކާތެރިކޮށްދޭ ކަމަށެވެ.
ޑރ ފައިސަލް ވިދާޅުވަނީ ފަހުން ޕާޓީ ބާއްވަން ވިއަސް އަވަހަށް ހިތާނު ކޮށްލުން ރަނގަޅު ކަމަށެވެ.