މާލޭގައި ޒުވާނަކަށް ތޫނު އެއްޗަކުން ހަމަލާދީ ޒަޚަމްކޮށްލައިފިއެވެ.
ފުލުހުން ބުނީ، ލޮނުޒިޔާރަތް މަގު ޗާރކޯލް ކެފޭ ކައިރިން ހިނގި މާރާމާރީއެއްގައި ތޫނުއެއްޗަކުން ހަމަލާދީ ޒަޚަމްކޮށްލާފައިވަނީ ޢުމުރުން 30 އަހަރުގެ ޒުވާނަކަށްކަމަށެވެ.
މި މައްސަލަ ރިޕޯޓްކޮށްފައިވަނީ ރޭ 00:37 ހާއިރުކަމަށް ވެސް ފުލުހުން ހާމަކުރެއެވެ.
އަދި މި މާރާމާރީގައި ޒަހަމްވި މީހާއަށް އޭޑީކޭ ހޮސްޕިޓަލްގައި ދަނީ ފަރުވާދެމުންކަމަށް ފުލުހުން ބުނެއެވެ. ނަމަވެސް އޭނާއަށް ލިބިފައިވަނީ ކިހާވަރެއްގެ ޒަޚަމްތަކެއްކަމެއް ފުލުހުން ހާމަކޮށްފައެއް ނުވެއެވެ.
މި މައްސަލަ ފުލުހުން ދަނީ ތަހުގީގު ކުރަމުއްނެވެ.